Ամպրիլան դհտ 10մգ №30

Կիրառում Ամպրիլանը կիրառվում է զարկերակային հիպերտենզիայի ժամանակ; քրոնիկական սրտային անբավարարության (համակցված թերապիայի կազմում), այդ թվում՝ միոկարդի ինֆարկտից 2-9 օր հետո զարգացած դեպքերում; շաքարային նեֆրոպաթիայի և ոչ շաքարային նեֆրոպաթիայի դեպքում՝ երիկամների քրոնիկական դիֆուզ հիվանդությունների ֆոնին (դոկլինիկական և կլինիկական փուլեր), ներառյալ քրոնիկական գլոմերուլոնեֆրիտը՝ արտահայտված պրոտեինուրիայով: Դեղամիջոցը նաև օգտագործվում է միոկարդի ինֆարկտի, ինսուլտի և սրտանոթային մահացության զարգացման ռիսկը նվազեցնելու համար բարձր սրտանոթային ռիսկ ունեցող պացիենտների մոտ, ներառյալ հաստատված ԻՍՀ ունեցող պացիենտները (միոկարդի ինֆարկտի անամնեզով կամ առանց դրա), պերկուտան տրանսլումինալ կորոնար անգիոպլաստիկա, կորոնար շունտավորում անցած պացիենտները, ինսուլտի անամնեզով պացիենտները և ծայրամասային զարկերակների օկլյուզիոն ախտահարումներ ունեցող պացիենտները: Ինչպես ընդունել Դեղամիջոցն ընդունում են ներքին ընդունման ճանապարհով: Սկզբնական դոզան կազմում է 1.25-2.5 մգ օրական 1-2 անգամ: Անհրաժեշտության դեպքում հնարավոր է դոզայի աստիճանական բարձրացում: Պահպանող դոզան սահմանվում է անհատապես՝ կախված կիրառման ցուցումներից և բուժման արդյունավետությունից: Հակացուցումներ Ամպրիլանը հակացուցված է երիկամների և լյարդի ֆունկցիայի արտահայտված խանգարումների, երիկամային զարկերակների երկկողմանի ստենոզի կամ միակ երիկամի զարկերակի ստենոզի դեպքում; երիկամի փոխպատվաստումից հետո վիճակի դեպքում; առաջնային հիպերալդոստերոնիզմի, հիպերկալեմիայի, աորտայի բերանի ստենոզի դեպքում: Դեղամիջոցը նաև հակացուցված է հղիության, լակտացիայի (կրծքով կերակրման) ժամանակ, մինչև 18 տարեկան երեխաների և դեռահասների մոտ, ինչպես նաև ռամիպրիլի և ԱՓՖ այլ ինհիբիտորների նկատմամբ գերզգայունության դեպքում: