Կարվեդիլոլ դեղահաբ 25մգ №40

Կիրառում: Կարվեդիլոլը կիրառվում է զարկերակային գերճնշման, սրտի իշեմիկ հիվանդության (կայուն ստենոկարդիայի նոպաների կանխարգելման համար) և քրոնիկ սրտային անբավարարության ժամանակ (համակցված թերապիայի կազմում): Ինչպես ընդունել: Դեղը ընդունվում է ներքին: Սկզբնական դեղաչափը կազմում է 12.5 մգ օրը մեկ անգամ, այնուհետև դեղաչափը մեծացվում է մինչև 25 մգ օրը մեկ անգամ: Անհրաժեշտության դեպքում դեղաչափը կարող է ավելացվել երկու շաբաթը մեկ անգամ; առավելագույն օրական դեղաչափը կազմում է 50 մգ: Տարեց հիվանդների համար արդյունավետ կարող է լինել օրական 12.5 մգ դեղաչափը: Հակացուցումներ: Կարվեդիլոլը հակացուցված է II և III աստիճանի AV-բլոկադայի, արտահայտված բրադիկարդիայի, դեկոմպենսացիայի փուլում գտնվող սրտային անբավարարության, շոկի, բրոնխիալ ասթմայի, բրոնխո-օբստրուկտիվ համախտանիշի պատմություն ունեցող թոքերի քրոնիկ հիվանդությունների, լյարդի անբավարարության, հղիության, կրծքով կերակրման, ինչպես նաև կարվեդիլոլի նկատմամբ գերզգայունության դեպքում: