Կոնկոր դեղահաբ 5մգ №50

Կիրառում << Կոնկոր >> դեղամիջոցը կիրառվում է զարկերակային գերճնշման և կայուն կրծքահեղձուկի բուժման համար: Այն օգտագործվում է նաև քրոնիկ սրտային անբավարարության (ՔՍԱ) բուժման համար: Ինչպես ընդունել << Կոնկոր >> հաբերն ընդունել օրը մեկ անգամ՝ առավոտյան, նախաճաշից առաջ, դրա ընթացքում կամ հետո, խմելով փոքր քանակությամբ հեղուկի հետ: Հաբերը չպետք է ծամել կամ մանրացնել փոշիացնել: Ընդունման ռեժիմը և դեղաչափն ընտրվում են բժշկի կողմից անհատապես յուրաքանչյուր հիվանդի համար՝ հաշվի առնելով սրտի կծկումների հաճախականությունը (ՍԿՀ) և հիվանդի ընդհանուր վիճակը: Սովորաբար սկզբնական դեղաչափը կազմում է 5 մգ << Կոնկոր >> դեղամիջոց օրը մեկ անգամ: Անհրաժեշտության դեպքում դեղաչափը կարող է ավելացվել մինչև 10 մգ օրը մեկ անգամ: Առավելագույն օրական դեղաչափը կազմում է 10 մգ: Հակացուցումներ << Կոնկոր >> -ը հակացուցված է հետևյալ վիճակների դեպքում. - Կարդիոգեն շոկ: - AV-բլոկադա II և III աստիճանի՝ առանց էլեկտրոկարդիոստիմուլյատորի: - Սինուսային հանգույցի թուլության համախտանիշ (ՍՀԹՀ): - Սինոատրիալ բլոկադա: - Արտահայտված բրադիկարդիա (ՍԿՀ՝ րոպեում 60 զարկից պակաս): - Արտահայտված զարկերակային ճնշման անկում (սիստոլիկ ԶՃ՝ 100 մմ ս.ս.-ից պակաս): - Բրոնխային ասթմայի կամ թոքերի քրոնիկ օբստրուկտիվ հիվանդության ծանր ձևեր: - Ծանր խանգարումներ ծայրամասային զարկերակային արյան շրջանառության մեջ կամ Ռեյնոյի համախտանիշ: - Ֆեոխրոմոցիտոմա (առանց ալֆա-ադրենոբլոկատորների միաժամանակյա կիրառման): - Մետաբոլիկ ացիդոզ: - Տարիքը մինչև 18 տարի (արդյունավետության և անվտանգության վերաբերյալ տվյալների անբավարարության պատճառով): - Բարձր զգայունություն դեղամիջոցի բաղադրիչների նկատմամբ: