Կոնկոր հաբ․ 5մգ․ №30

Կիրառում Կոնկոր դեղամիջոցը կիրառում են հետևյալ դեպքերում. - Զարկերակային գերճնշում: - Սրտի իշեմիկ հիվանդություն (ՍԻՀ). կայուն ստենոկարդիա: - Քրոնիկ սրտային անբավարարություն (ՔՍԱ) ձախ փորոքի սիստոլիկ դիսֆունկցիայով (ԱՓՖ ինհիբիտորների, միզամուղների և, անհրաժեշտության դեպքում, սրտային գլիկոզիդների հետ համակցությամբ): Ինչպես ընդունել Զարկերակային գերճնշման և կայուն ստենոկարդիայի դեպքում. - Առաջարկվող դեղաչափը՝ 5 մգ օրական մեկ անգամ: - Անհրաժեշտության դեպքում դեղաչափը կարող է ավելացվել մինչև 10 մգ՝ օրական մեկ անգամ: - Առավելագույն օրական դեղաչափը՝ 20 մգ: Քրոնիկ սրտային անբավարարության դեպքում. - Բուժումը սկսում են ցածր դեղաչափով՝ աստիճանաբար ավելացնելով: - Սկզբնական դեղաչափը՝ 1.25 մգ օրական 1 անգամ (1 շաբաթ): - Լավ տանելիության դեպքում դեղաչափն ավելանում է. 2.5 մգ օրական 1 անգամ (2-րդ շաբաթ), 3.75 մգ օրական 1 անգամ (3-րդ շաբաթ), 5 մգ օրական 1 անգամ (4-7 շաբաթ), 7.5 մգ օրական 1 անգամ (8-11 շաբաթ), այնուհետև 10 մգ օրական 1 անգամ՝ որպես պահպանողական թերապիա: - ՔՍԱ բուժման առավելագույն դեղաչափը՝ 10 մգ բիսոպրոլոլ օրական 1 անգամ: Հակացուցումներ Կոնկոր դեղամիջոցը հակացուցված է հետևյալ դեպքերում. - Բարձր զգայունություն բիսոպրոլոլի կամ դեղամիջոցի օժանդակ նյութերի նկատմամբ: - Սրտի սուր անբավարարություն կամ դեկոմպենսացված ՔՍԱ, որը պահանջում է ներերակային ինոտրոպ թերապիա: - Կարդիոգեն շոկ: - II և III աստիճանի AV-բլոկադա (առանց էլեկտրակարդիոստիմուլյատորի): - Սինուսային հանգույցի թուլության համախտանիշ (ՍՀԹՀ): - Սինոատրիալ բլոկադա: - Արտահայտված բրադիկարդիա (սրտի կծկումների հաճախականությունը բուժման սկզբում՝ րոպեում 50 զարկից պակաս): - Բրոնխիալ ասթմայի կամ ԹՔՈՀ-ի ծանր ձևեր: - Ծայրամասային զարկերակային արյան շրջանառության խանգարումների կամ Ռեյնոյի համախտանիշի ուշ փուլեր: - Ֆեոխրոմոցիտոմա (առանց ալֆա-ադրենոբլոկատորների միաժամանակյա կիրառման): - Մետաբոլիկ ացիդոզ: - Մինչև 18 տարեկան երեխաների տարիք (տվյալների անբավարարության պատճառով):