Գլյուկոֆաժ դեղահաբ 1000մգ №60

Հակացուցումներ - Գերզգայունություն մետֆորմինի կամ ցանկացած օժանդակ նյութի նկատմամբ: - Դիաբետիկ կետոացիդոզ, դիաբետիկ պրեկոմա, կոմա: - Երիկամային անբավարարություն կամ երիկամների ֆունկցիայի խանգարում (կրեատինինի քլիրենս <45 մլ/րոպե): - Սուր վիճակներ, որոնք կապված են երիկամների ֆունկցիայի խանգարման զարգացման ռիսկի հետ (ջրազրկում, ծանր վարակ, շոկ): - Սուր կամ քրոնիկ հիվանդություններ, որոնք կարող են հանգեցնել հյուսվածքային հիպօքսիայի (սրտային անբավարարություն, շնչառական անբավարարություն, վերջերս տարած միոկարդի ինֆարկտ, շոկ): - Լյարդի անբավարարություն, ալկոհոլի սուր թունավորում, քրոնիկ ալկոհոլիզմ: - Հղիություն և կրծքով կերակրման շրջան: Ինչպես ընդունել Մեծահասակներ: Սովորական սկզբնական դոզան կազմում է 500 մգ կամ 850 մգ օրական 2-3 անգամ՝ ուտելու ընթացքում կամ հետո: Առավելագույն առաջարկվող դոզան օրական 3000 մգ է, բաժանված 3 ընդունման: 10 տարեկանից բարձր երեխաներ: Սովորական սկզբնական դոզան կազմում է 500 մգ կամ 850 մգ օրական 1 անգամ՝ ուտելու ընթացքում կամ հետո: Առավելագույն օրական դոզան կազմում է 2000 մգ՝ բաժանված 2-3 ընդունման: Կիրառում 2-րդ տիպի շաքարային դիաբետ, հատկապես ճարպակալումով հիվանդների մոտ, երբ դիետոթերապիան և ֆիզիկական ծանրաբեռնվածությունն անարդյունավետ են. - Մեծահասակների մոտ՝ որպես մոնոթերապիա կամ այլ օրալ հիպոգլիկեմիկ դեղամիջոցների կամ ինսուլինի հետ համակցված: - 10 տարեկանից բարձր երեխաների մոտ՝ որպես մոնոթերապիա կամ ինսուլինի հետ համակցված: