Նո–շպա սրվակ 40մգ/2մլ №25

Կիրառում - Լեղուղիների հիվանդությունների հետ կապված հարթ մկանների սպազմեր (խոլեցիստոլիթիազ, խոլանգիոլիթիազ, խոլեցիստիտ, պերիխոլեցիստիտ, խոլանգիտ, պապիլիտ): - Միզուղիների հարթ մկանների սպազմեր (նեֆրոլիթիազ, ուրետրոլիթիազ, պիելիտ, ցիստիտ, միզապարկի տենեզմներ): - Որպես օժանդակ թերապիա (երբ բերանային թերապիան անհնար է)՝ ստամոքս-աղիքային տրակտի հարթ մկանների սպազմեր (ստամոքսի և տասներկումատնյա աղիքի խոցային հիվանդություն, գաստրիտ, կարդիայի և պիլորուսի սպազմեր, էնտերիտ, կոլիտ); գինեկոլոգիական հիվանդություններ (դիսմենորեա): Ինչպես ընդունել - Մեծահասակներ՝ սովորական դեղաչափը կազմում է օրական 40-240 մգ (բաժանված 1-3 ընդունման) ներմկանային: - Երիկամային կամ լեղապարկի սուր կոլիկների դեպքում՝ 40-80 մգ դանդաղ ներերակային (ներարկման տևողությունը մոտ 30 վայրկյան): Հակացուցումներ - Գերզգայունություն ակտիվ նյութի կամ դեղամիջոցի ցանկացած օժանդակ նյութի նկատմամբ (հատկապես նատրիումի դիսուլֆիտի նկատմամբ): - Լյարդի, երիկամների կամ սրտի ծանր անբավարարություն (սրտի ցածր արտազատման համախտանիշ): - Մանկական տարիք (դրոտավերինի կիրառումը երեխաների մոտ կլինիկական ուսումնասիրություններում չի հետազոտվել): - Կրծքով կերակրման շրջան: