Էուֆիլլին դեղահաբ 150մգ №30

Կիրառում Էուֆիլինը կիրառվում է ցանկացած ծագման բրոնխաօբստրուկտիվ համախտանիշի դեպքում, ներառյալ բրոնխային ասթման (որպես ընտրության դեղամիջոց ֆիզիկական ծանրաբեռնվածության ասթմայի ժամանակ և որպես լրացուցիչ միջոց այլ ձևերի դեպքում), թոքերի քրոնիկ օբստրուկտիվ հիվանդություն, թոքերի էմֆիզեմա, քրոնիկ օբստրուկտիվ բրոնխիտ, թոքային հիպերտենզիա, թոքային սիրտ և գիշերային ապնոէ: Այն օգտագործվում է նաև սուր և քրոնիկ սրտային անբավարարության դեպքում՝ համակցված թերապիայի կազմում: Ինչպես ընդունել Դեղաչափը պետք է ընտրվի անհատապես յուրաքանչյուր հիվանդի համար՝ հաշվի առնելով կլինիկական պատասխանը և էուֆիլինի կայուն կոնցենտրացիան արյան շիճուկում: Մեծահասակներին սովորաբար նշանակվում է 150 մգ՝ օրը 3-4 անգամ՝ ուտելուց հետո: 3 տարեկանից բարձր երեխաներին դեղը նշանակվում է օրական 7-10 մգ/կգ հաշվարկով՝ բաժանված 4 ընդունման: Հակացուցումներ Էուֆիլինի կիրառման հակացուցումներն են: - գերզգայունություն (այդ թվում այլ քսանտինի ածանցյալների նկատմամբ, ինչպիսիք են կոֆեինը, պենտոքսիֆիլինը, թեոբրոմինը) - էպիլեպսիա - ստամոքսի և տասներկումատնյա աղիքի խոցային հիվանդություն սրացման փուլում - բարձր թթվայնությամբ գաստրիտ - ծանր զարկերակային հիպեր- կամ հիպոթենզիա - տախիարիթմիաներ - հեմոռագիկ ինսուլտ - արյունազեղում աչքի ցանցաթաղանթում: Դեղը հակացուցված է մինչև 3 տարեկան երեխաներին (երկարատև ներքին ընդունման ձևերի համար՝ մինչև 12 տարեկան), ինչպես նաև լյարդի և/կամ երիկամների ֆունկցիայի ծանր խանգարումների դեպքում: