Նիպերտեն դեղահաբ 10մգ №30

Կիրառում: << Նիպերտեն >> դեղամիջոցը կիրառվում է զարկերակային գերճնշման, ստենոկարդիայի նոպաների կանխարգելման, ինչպես նաև քրոնիկ սրտային անբավարարության դեպքում: Ինչպես ընդունել: Օրական ներքին ընդունման դեղաչափը կազմում է 2.5-10 մգ, ընդունվում է օրը 1 անգամ: Օրական առավելագույն դեղաչափը չպետք է գերազանցի 10 մգ-ը: Դեղամիջոցով բուժումը 1.25 մգ (2.5 մգ հաբի 1/2-ը) դեղաչափով սկսելուց հետո անհրաժեշտ է հիվանդին դիտարկել մոտ 4 ժամվա ընթացքում՝ վերահսկելով սրտի կծկումների հաճախությունը (ՍԿՀ), զարկերակային ճնշումը (ԶՃ), ԷՍԳ-ի վրա հաղորդականության խանգարումները և քրոնիկ սրտային անբավարարության վատթարացման ախտանշանները: Դեղաչափերի ընտրության կամ դրանից հետո հնարավոր է քրոնիկ սրտային անբավարարության ընթացքի ժամանակավոր վատթարացում, հեղուկի կուտակում օրգանիզմում, զարկերակային հիպոտենզիա կամ բրադիկարդիա: Նման դեպքերում խորհուրդ է տրվում շտկել ուղեկցող հիմնական թերապիայի դեղաչափը: Հակացուցումներ: - Սուր սրտային անբավարարություն: - Քրոնիկ սրտային անբավարարություն ապակոմպենսացիայի փուլում: - Կարդիոգեն շոկ, կոլապս: - ԱՎ-բլոկադա II և III աստիճանի (առանց կարդիոստիմուլյատորի): - Սինուսային հանգույցի թուլության համախտանիշ (ՍՀԹՀ), սինոատրիալ բլոկադա: - Արտահայտված բրադիկարդիա (ՍԿՀ՝ րոպեում 50 հարվածից պակաս): - Պրինցմետալի ստենոկարդիա: - Զարկերակային ճնշման արտահայտված իջեցում (սիստոլիկ ԶՃ՝ 90 մմ սնդիկի սյունից պակաս): - Հղիություն: - Կրծքով կերակրման շրջան: - Մանկական տարիք: Փոխկապակցված ապրանքներ