Թիրեզ դեղահաբ 5մգ №30

Կիրառում Բիսոպրոլոլ Ալկալոիդ (Թիրեզ) դեղամիջոցը կիրառվում է 18 տարեկանից բարձրահասակների մոտ բարձր արյան ճնշման (հիպերտենզիա), կրծքավանդակի ցավի բուժման համար, որն առաջանում է կորոնար զարկերակների նեղացման հետևանքով (սրտի իշեմիկ հիվանդություն՝ կայուն ստենոկարդիա), ինչպես նաև քրոնիկական սրտային անբավարարության դեպքում (երբ սրտի մկանը ի վիճակի չէ բավարար քանակությամբ արյուն մղել՝ մարմնի կարիքները հոգալու համար): Ինչպես ընդունել Դեղամիջոցն ընդունում են ներքին ընդունման եղանակով, առավոտյան, քաղցած վիճակում, չծամելով, սկզբնական դեղաչափով՝ 5 մգ օրական 1 անգամ: Անհրաժեշտության դեպքում դեղաչափը մեծացնում են մինչև 10 մգ օրական 1 անգամ: Առավելագույն օրական դեղաչափը կազմում է 20 մգ/օր: Երիկամների ֆունկցիայի խանգարում ունեցող պացիենտների (կրեատինինի քլիրենսը 20 մլ/րոպեից պակաս) կամ լյարդի ֆունկցիայի արտահայտված խանգարումներ ունեցող պացիենտների մոտ առավելագույն օրական դեղաչափը չպետք է գերազանցի 10 մգ-ը: Տարեց պացիենտների մոտ դեղաչափի կարգավորում չի պահանջվում: Բիսոպրոլոլ Ալկալոիդ դեղամիջոգը նախատեսված չէ մինչև 18 տարեկան երեխաների և դեռահասների համար: Հակացուցումներ Մի ընդունեք Բիսոպրոլոլ (Թիրեզ) դեղամիջոցը, եթե Դուք ունեք. - ալերգիա բիսոպրոլոլի կամ դեղամիջոցի ցանկացած այլ բաղադրիչի նկատմամբ: - սրտի սուր անբավարարություն կամ քրոնիկական սրտային անբավարարություն դեկոմպենսացիայի փուլում, որը պահանջում է ինոտրոպ թերապիա: - կարդիոգեն շոկ: - ատրիովենտրիկուլյար (AV) II և III աստիճանի բլոկադա՝ առանց էլեկտրոկարդիոստիմուլյատորի: - սինոատրիալ բլոկադա: - սինուսային հանգույցի թուլության համախտանիշ: - արտահայտված բրադիկարդիա (ՍԱՀ < 50 զարկ/րոպե բուժումը սկսելուց առաջ): - արյան ճնշման արտահայտված անկում (սիստոլիկ ԱՃ < 90 մմ ս.ս.): - Պրինցմետալի ստենոկարդիա: - բրոնխիալ ասթմայի ծանր ձև կամ թոքերի քրոնիկական օբստրուկտիվ հիվանդություն (ԹՔՕՀ): - ծանր ծայրամասային արյան շրջանառության խանգարումներ կամ Ռեյնոյի համախտանիշ: - ֆեոխրոմոցիտոմա (մակերիկամների ուռուցք), որը բուժվում է: - մետաբոլիկ ացիդոզ: