Տրիպլիկսամ դեղահաբ 10մգ/2.5մգ/5մգ №30

Կիրառում: Տրիպլիքսամը ցուցված է զարկերակային հիպերտենզիայի բուժման համար այն հիվանդների մոտ, ովքեր պահանջում են բուժում պերինդոպրիլով, ինդապամիդով և ամլոդիպինով ֆիքսված համակցության մեջ առկա դեղաչափերով: Ինչպես ընդունել: Դեղը ընդունվում է բերանով, օրական 1 հաբ, նախընտրելի է առավոտյան՝ ուտելուց առաջ: Դեղաչափը ընտրվում է առանձին բաղադրիչների դեղաչափերի նախապես անցկացված տիտրման արդյունքում: Առավելագույն օրական դեղաչափը կազմում է 1 հաբ՝ 10 մգ + 2.5 մգ + 5 մգ դեղաչափով: Հակացուցումներ: - Գերզգայունություն դեղամիջոցի կազմի մեջ մտնող ակտիվ և օժանդակ նյութերի, սուլֆոնամիդի ածանցյալների, դիհիդրոպիրիդինի ածանցյալների, ԱՓՖ այլ ինհիբիտորների նկատմամբ: - Հեմոդիալիզ անցնող հիվանդներ: - Չբուժված ապակոմպենսացված սրտային անբավարարություն: - Երիկամների ֆունկցիայի չափավոր արտահայտված խանգարում (Տրիպլիքսամ դեղամիջոցի 5 մգ+2,5 մգ+10 մգ և 10 մգ+2,5 մգ+10 մգ դեղաչափեր պարունակող դեղաչափերի համար): - Հղիություն և կրծքով կերակրման շրջան: - Միաժամանակյա կիրառում ալիսկիրենի հետ շաքարային դիաբետով կամ երիկամների ֆունկցիայի խանգարումներով հիվանդների մոտ: - Մինչև 18 տարեկան տարիք (արդյունավետությունը և անվտանգությունը հաստատված չեն): Պահպանման պայմաններ: Հաբերը պահել ամուր փակ տարայի մեջ: Հատուկ ջերմաստիճանային պահպանման պայմաններ չի պահանջում, սակայն խորհուրդ է տրվում պահել ոչ ավելի բարձր, քան 25 աստիճան C ջերմաստիճանում (որոշ աղբյուրներում մինչև 30 աստիճան C): Պահել երեխաների համար անհասանելի վայրում: