Վամլոսետ դեղահաբ 10մգ/160մգ №30

Կիրառում: << Վամլոսետ >> դեղամիջոցը ցուցված է զարկերակային հիպերտենզիա ունեցող այն հիվանդներին, ում համար ցուցված է համակցված թերապիա: Ինչպես ընդունել: Դեղամիջոցը ընդունել ներքին, մի փոքր ջրով, օրը 1 անգամ, անկախ ուտելու ժամից: Առաջարկվող օրական դոզան՝ 1 << Վամլոսետ >> հաբ, որը պարունակում է ամլոդիպին/վալսարտան 5/80 մգ կամ 5/160 մգ, կամ 10/160 մգ, կամ 5/320 մգ, կամ 10/320 մգ դոզայով: << Վամլոսետ >> դեղամիջոցի ընդունումը խորհուրդ է տրվում սկսել 5/80 մգ դոզայից՝ օրը 1 անգամ: Դոզան կարելի է ավելացնել թերապիան սկսելուց 1-2 շաբաթ հետո: Առավելագույն օրական դոզան կազմում է 5/320 մգ (վալսարտանի հաշվարկով) կամ 10/160 մգ (ամլոդիպինի հաշվարկով) կամ 10/320 մգ: Հակացուցումներ: - Գերզգայունություն ամլոդիպինի, դիհիդրոպիրիդինային շարքի այլ ածանցյալների, վալսարտանի կամ դեղամիջոցի այլ բաղադրիչների նկատմամբ: - Ծանր լյարդային անբավարարություն (Չայլդ-Պյու սանդղակով 9 բալից ավելի), լեղածորանային ցիռոզ և խոլեստազ: - Ծանր երիկամային անբավարարություն (կրեատինինի քլիրենսը 30 մլ/րոպեից պակաս), ինչպես նաև կիրառում հեմոդիալիզ ստացող հիվանդների մոտ: - Ծանր զարկերակային հիպոտենզիա (սիստոլիկ զարկերակային ճնշումը 90 մմ սնդիկի սյունից պակաս), կոլապս, շոկ (ներառյալ կարդիոգեն շոկ): - Ձախ փորոքի արտահոսքի ուղու խցանում (այդ թվում՝ հիպերտրոֆիկ օբստրուկտիվ կարդիոմիոպաթիա և ծանր աորտալ ստենոզ): - Սրտի հեմոդինամիկորեն անկայուն անբավարարություն սուր միոկարդի ինֆարկտից հետո: - Առաջնային հիպերալդոստերոնիզմ: - Ալիսկիրենի հետ միաժամանակյա կիրառում շաքարային դիաբետով կամ երիկամների ֆունկցիայի խանգարումով (կրեատինինի քլիրենսը 60 մլ/րոպեից պակաս) հիվանդների մոտ: - Հղիություն և կրծքով կերակրման շրջան: