Վամլոսետ դեղահաբ 5մգ/160մգ №30

Կիրառում Վամլոսետ դեղամիջոցը կիրառվում է զարկերակային գերճնշման (բարձր արյան ճնշման) բուժման համար: Ինչպես ընդունել Դեղամիջոցը պետք է ընդունել ներքին ընդունման եղանակով, օրը 1 անգամ, անկախ սննդի ընդունումից, մի փոքր քանակությամբ ջրով: Առաջարկվող օրական դոզան կազմում է 1 Վամլոսետ դեղահաբ, որը պարունակում է ամլոդիպին/վալսարտան համակցությունը 5 մգ/160 մգ դոզայով: Դեղամիջոցի սկզբնական դոզան սովորաբար կազմում է 5 մգ/80 մգ օրը 1 անգամ՝ թերապիայի սկզբից 1-2 շաբաթ հետո դոզան ավելացնելու հնարավորությամբ: Հակացուցումներ - Լյարդի ծանր անբավարարություն (Չայլդ-Պյու սանդղակով ավելի քան 9 միավոր), լեղուղիների ցիռոզ և խոլեստազ: - Հղիություն և կրծքով կերակրման շրջան: - Անգիոտենզին II ընկալիչների անտագոնիստների (ներառյալ վալսարտան) կամ ԱՓՖ ինհիբիտորների միաժամանակյա կիրառումը ալիսկիրենի հետ շաքարային դիաբետով և երիկամների ֆունկցիայի խանգարումով (կրեատինինի կլիրենսը 60 մլ/րոպեից պակաս) հիվանդների մոտ: - Ծանր զարկերակային հիպոտենզիա (սիստոլիկ զարկերակային ճնշումը 90 մմ սնդ. սյունից պակաս): - Շոկային վիճակ, ներառյալ կարդիոգեն շոկ: - Ձախ փորոքի արտահոսքի տրակտի օբստրուկցիա: - Հեմոդինամիկորեն անկայուն սրտային անբավարարություն սուր միոկարդի ինֆարկտից հետո: - Երիկամների ֆունկցիայի ծանր աստիճանի խանգարում (կծիկային ֆիլտրացիայի արագությունը 30 մլ/րոպե/1,73 մ^2 մարմնի մակերեսից պակաս), հեմոդիալիզ: - Մինչև 18 տարեկան տարիք (անվտանգության և արդյունավետության մասին բավարար տվյալներ չկան):