Վալսակոր դեղահաբ 80մգ №28

Կիրառում: - Զարկերակային գերճնշման բուժում (արյան ճնշման կայուն բարձրացում): Դեղը արդյունավետորեն իջեցնում է ճնշումը ինչպես մեծահասակների, այնպես էլ 6 տարեկանից բարձր երեխաների մոտ: - Քրոնիկ սրտային անբավարարության բուժում (NYHA դասակարգման II-IV ֆունկցիոնալ դաս) այն հիվանդների մոտ, ովքեր ստանում են ավանդական թերապիա միզամուղներով, մատնոցուկի պատրաստուկներով, ինչպես նաև ԱՓՖ ինհիբիտորներով կամ բետա-ադրենոբլոկատորներով: Ինչպես ընդունել: - Ընդունել ներքին 80 մգ դեղաչափով օրը 1 անգամ կամ 40 մգ օրը 2 անգամ, ամեն օր: - Անբավարար արդյունավետության դեպքում օրական դեղաչափը կարող է աստիճանաբար ավելացվել: Առավելագույն օրական դեղաչափը կազմում է 320 մգ՝ 2 ընդունման համար: - Վալսակոր դեղը կարելի է ընդունել անկախ սննդի ընդունման ժամանակից: Հակացուցումներ: - Հղիություն: - Բարձր զգայունություն վալսարտանի կամ տվյալ դեղամիջոցի այլ բաղադրիչների նկատմամբ: - Լյարդի ծանր հիվանդություն լեղածորանների ախտահարումով լյարդում (լյարդի բիլիար ցիռոզ), որը հանգեցնում է լեղու արտահոսքի խանգարման և կուտակման (խոլեստազ): - Շաքարային դիաբետ և (կամ) երիկամների ֆունկցիայի խանգարում՝ ալիսկիրեն պարունակող դեղամիջոցների միաժամանակյա ընդունման դեպքում: - Երիկամների ախտահարում շաքարային դիաբետի ֆոնի վրա (դիաբետիկ նեֆրոպաթիա)՝ անգիոտենզին-փոխարկող ֆերմենտի (ԱՓՖ) ինհիբիտորների միաժամանակյա ընդունման դեպքում: - Ալդոստերոնիզմ (հիվանդություն, որի դեպքում մակերիկամները արտադրում են ալդոստերոն հորմոնի ավելցուկային քանակ): - Վալսակոր դեղի միաժամանակյա կիրառումը ալիսկիրենի հետ երիկամների ֆունկցիայի միջին և ծանր խանգարումներ ունեցող հիվանդների մոտ (ԿԿ-ն 60 մլ/րոպեից պակաս) հակացուցված է: Պահպանման պայմաններ: - 25 աստիճան C-ից ոչ բարձր ջերմաստիճանում, օրիգինալ փաթեթավորմամբ: - Պահել երեխաների համար անհասանելի վայրում: