երոդուալ H աէրոզոլ 20մկգ+50մկգ/դոզ 10մլ 200դոզ №1

Կիրառում Բերոդուալ Ն դեղամիջոցը կիրառվում է շնչուղիների քրոնիկական օբստրուկտիվ հիվանդությունների կանխարգելման և սիմպտոմատիկ բուժման համար՝ շրջելի օբստրուկցիայով, ինչպիսիք են բրոնխիալ ասթման և, հատկապես, թոքերի քրոնիկ օբստրուկտիվ հիվանդությունը (ԹՔՈՀ), քրոնիկ օբստրուկտիվ բրոնխիտը՝ էմֆիզեմայով կամ առանց դրա: Ինչպես ընդունել Երկարատև և ընդհատվող թերապիայի համար նշանակվում է 1-2 ինհալացիա մեկ ընդունման համար, օրական մինչև 8 ինհալացիա (միջինում՝ 1-2 ինհալացիա օրական 3 անգամ): Բրոնխիալ ասթմայի դեպքում դեղամիջոցը պետք է օգտագործվի միայն անհրաժեշտության դեպքում: Բերոդուալ Ն-ը երեխաներին պետք է կիրառվի միայն բժշկի նշանակմամբ և մեծահասակների հսկողության ներքո: Հիվանդին պետք է հրահանգել չափաբաժնով աերոզոլի ճիշտ օգտագործման մասին: Չորս ինհալացիոն դեղաչափերից հետո էֆեկտի բացակայության և լրացուցիչ ինհալացիաների անհրաժեշտության դեպքում, առանց հապաղելու, պետք է դիմել բժշկական օգնության: Հակացուցումներ - Հիպերտրոֆիկ օբստրուկտիվ կարդիոմիոպաթիա: - Տախիառիթմիա: - Հղիության I եռամսյակ: - Երեխաների տարիքը մինչև 6 տարի: - Դեղամիջոցի բաղադրիչների նկատմամբ գերզգայունություն: - Ատրոպինանման նյութերի նկատմամբ գերզգայունություն: Պահպանման պայմաններ Դեղամիջոցը պետք է պահել երեխաների համար անհասանելի վայրում՝ 25 աստիճան C-ից ոչ բարձր ջերմաստիճանում: Չենթարկել բարձր ջերմաստիճանների ազդեցությանը և չսառեցնել: Պահել արևի ուղիղ ճառագայթներից պաշտպանված տեղում: