Հալիքսոլ օշարակ 30մգ/10մլ 100մլ №1

Կիրառում Հալիկսոլ օշարակը կիրառվում է շնչուղիների հիվանդությունների ժամանակ, որոնք ուղեկցվում են մածուցիկ խորխի արտազատմամբ և դրա դժվար արտազատումով: Նման հիվանդություններից են սուր և քրոնիկ բրոնխիտները, թոքաբորբը, բրոնխիալ ասթման, բրոնխէկտատիկ հիվանդությունը և թոքերի քրոնիկ օբստրուկտիվ հիվանդությունը (ԹՔՈՀ): Ինչպես ընդունել Հալիկսոլ օշարակն ընդունում են ներքին՝ ուտելուց հետո, մեծ քանակությամբ հեղուկի հետ, քանի որ հեղուկի առատ ընդունումը նպաստում է լորձի ջրիկացմանը ամբրոքսոլով բուժման ժամանակ: - Մեծահասակներին և 12 տարեկանից բարձր երեխաներին. բուժման առաջին 2-3 օրերին սովորական օրական չափաբաժինը կազմում է 10 մլ օշարակ՝ օրական 3 անգամ: - 5-12 տարեկան երեխաներին. 5 մլ օշարակ՝ օրական 2-3 անգամ: Երիկամների ծանր անբավարարության դեպքում խորհուրդ է տրվում նշանակել նվազեցված չափաբաժիններ կամ ավելացնել դեղամիջոցի ընդունումների միջև ընկած ընդմիջումները: Հալիկսոլը 4-5 օրից ավելի ընդունելիս խորհուրդ է տրվում բժշկի հետ խորհրդակցել: Հակացուցումներ Դեղամիջոցը հակացուցված է հղիության I եռամսյակում: Հալիկսոլն անցնում է կրծքի կաթ, ուստի դեղամիջոցը լակտացիայի շրջանում ընդունելիս պետք է լուծել կրծքով կերակրումը դադարեցնելու հարցը: Զգուշությամբ է կիրառվում լյարդի և երիկամների ֆունկցիայի խանգարումների, ինչպես նաև երեխաների մոտ: Պահպանման պայմաններ Դեղամիջոցը պետք է պահել 15-ից 25 աստիճան C ջերմաստիճանում: Պահպանման ժամկետը 5 տարի է: Բացված շիշը կարելի է պահել ոչ ավելի, քան 6 ամիս: