Հալիքսոլ դեղահաբ 30մգ №20

Կիրառում Հալիկսոլ դեղամիջոցը կիրառվում է շնչուղիների հիվանդությունների դեպքում, որոնք ուղեկցվում են մածուցիկ խորխի արտազատմամբ և դրա դժվար դուրսբերմամբ: Նման հիվանդություններից են սուր և քրոնիկ բրոնխիտները, թոքաբորբը, բրոնխիալ ասթման, բրոնխէկտատիկ հիվանդությունը և ՔՕՀՍ-ը: Ինչպես ընդունել Հալիկսոլ հաբերը պետք է ընդունել ներքին ընդունման ճանապարհով՝ ուտելուց հետո, մեծ քանակությամբ հեղուկի հետ: Հեղուկի առատ ընդունումը նպաստում է խորխի նոսրացմանը ամբրոքսոլով բուժման ժամանակ: - Մեծահասակներ և 12 տարեկանից բարձր երեխաներ: Բուժման առաջին 2-3 օրվա ընթացքում սովորական օրական դոզան կազմում է 1 հաբ օրական 3 անգամ: Հետագա օրերին դոզան նվազում է մինչև 1 հաբ օրական 2 անգամ կամ 1/2 հաբ օրական 3 անգամ: Հիվանդության ծանր դեպքերում դոզան չի նվազում բուժման ողջ ընթացքում: - 5-12 տարեկան երեխաներ: Խորհուրդ է տրվում ընդունել 1/2 հաբ օրական 2-3 անգամ: - Առանց բժշկի առաջարկության Հալիկսոլ հաբերն չպետք է ընդունել ավելի քան 4-5 օր: - Երիկամների հիվանդություններով տառապող հիվանդները դեղամիջոցի կիրառումը սկսելուց առաջ պետք է խորհրդակցեն բժշկի հետ, քանի որ կարող է պահանջվել նվազեցված դոզաների նշանակում: Հակացուցումներ Հալիկսոլ դեղամիջոցը հակացուցված է հետևյալ դեպքերում. - Գերզգայունություն ամբրոքսոլի կամ բրոմհեքսինի նկատմամբ: - Հղիության I եռամսյակ: - Կրծքով կերակրման շրջան: - Ստամոքս-աղիքային տրակտի խոցային ախտահարում: - Խորհուրդ չի տրվում միաժամանակ կիրառել հակահազային դեղամիջոցների (օրինակ՝ կոդեինի) հետ, քանի որ դա կարող է դժվարացնել ամբրոքսոլով նոսրացված խորխի արտազատումը: - Զգուշությամբ պետք է կիրառել դեղամիջոցը երիկամային ծանր անբավարարության դեպքում: - Զգուշությամբ կիրառել բրոնխների շարժողական ֆունկցիայի խանգարումների կամ ցածր մածուցիկությամբ խորխի առատ արտազատման դեպքում՝ բրոնխիալ սեկրետի կանգի վտանգի պատճառով: Պահպանման պայմաններ Պահել ոչ բարձր քան 30 աստիճան C ջերմաստիճանում, լույսից պաշտպանված տեղում: Դեղամիջոցը պետք է պահել երեխաների համար անհասանելի տեղում: