Սպազմալգոն սրվակ 5մլ Spasmalgon intramuscularly5ml x 10 Spasmalgon intramuscularly5ml №10

Կիրառում Սպազմալգոնը կիրառվում է թույլ կամ չափավոր արտահայտված ցավային համախտանիշի դեպքում, որը կապված է ներքին օրգանների հարթ մկանների սպազմների հետ: Նման վիճակներն են՝ - երիկամային կոլիկա - միզածորանի և միզապարկի սպազմ - լեղապարկի կոլիկա - աղիքային կոլիկա - լեղուղիների դիսկինեզիա - հետքոլեցիստէկտոմիկ համախտանիշ - քրոնիկ կոլիտ - ալգոդիսմենորեա - փոքր կոնքի օրգանների հիվանդություններ Ինչպես ընդունել Մեծահասակներին դեղամիջոցը ներմուծվում է միջմկանային՝ 2-5 մլ լուծույթ օրական 2-3 անգամ: Բուժման կուրսի տևողությունը որոշվում է կլինիկական ախտանիշներից և հիվանդության էթիոպաթոգենեզից կախված, սակայն չպետք է գերազանցի 5 օրը: Առավելագույն օրական դոզան չպետք է գերազանցի 10 մլ (որը համապատասխանում է 5 գ մետամիզոլ նատրիումին): Թերապևտիկ էֆեկտի բացակայության դեպքում դեղամիջոցի կիրառումը պետք է դադարեցվի: Լավ կամ բավարար էֆեկտի դեպքում խորհուրդ է տրվում անցնել պերօրալ կամ ռեկտալ կիրառման: Ներարկման լուծույթը ներմուծելուց առաջ այն պետք է տաքացնել ձեռքերում: Հակացուցումներ Դեղամիջոցի կիրառումը հակացուցված է հղիության ընթացքում (հատկապես I և III եռամսյակներում): Լակտացիայի շրջանում Սպազմալգոնի կիրառման անհրաժեշտության դեպքում կրծքով կերակրումը պետք է դադարեցվի դեղը ընդունելու ընթացքում: Զգուշությամբ նշանակել հետևյալ դեպքերում՝ - երիկամային կամ լյարդային անբավարարություն - բրոնխիալ ասթմա - ''ասպիրինային տրիադա'' (բրոնխիալ ասթմա, եղնջացան և սուր ռինիտ, որոնք հրահրվում են ացետիլսալիցիլաթթվի կամ այլ ՈՍՀԴ-ների ընդունմամբ) - զարկերակային հիպոթենզիայի հակում - ՈՍՀԴ-ների նկատմամբ բարձր զգայունություն Պահպանման պայմաններ Դեղամիջոցը պետք է պահել երեխաների համար անհասանելի, չոր, լույսից պաշտպանված տեղում՝ ոչ բարձր քան 25 աստիճան C ջերմաստիճանում: