Սպազմալգոն սրվակ 2մլ №10

Կիրառում Սպազմալգոնը կիրառվում է ներքին օրգանների հարթ մկանների սպազմերով պայմանավորված թեթև կամ չափավոր արտահայտված ցավային համախտանիշի կարճատև ախտանիշային բուժման համար: Այդ վիճակները ներառում են. - երիկամային կոլիկա, միզածորանների և միզապարկի սպազմ; - լեղային կոլիկա; - աղիքային կոլիկա; - լեղուղիների դիսկինեզիա; - հետխոլեցիստէկտոմիայի համախտանիշ; - քրոնիկ կոլիտ; - ալգոդիսմենորեա; - փոքր կոնքի օրգանների հիվանդություններ: Ինչպես ընդունել Սպազմալգոնի ներարկման լուծույթը ներարկվում է ներմկանային ճանապարհով: Մեծահասակներին և 15 տարեկանից բարձր երեխաներին (մարմնի քաշը ավելի քան 53 կգ) ներարկվում է 2-5 մլ լուծույթ օրական 2-3 անգամ: Առավելագույն օրական դոզան չպետք է գերազանցի 10 մլ-ը: Բուժման տևողությունը չպետք է գերազանցի 5 օրը: Ներարկելուց առաջ խորհուրդ է տրվում լուծույթը տաքացնել ձեռքում: Բուժական ազդեցության բացակայության դեպքում դեղամիջոցի օգտագործումը դադարեցվում է: Հակացուցումներ Սպազմալգոն դեղամիջոցի կիրառումը հակացուցված է հետևյալ դեպքերում. - Գերզգայունություն դեղամիջոցի բաղադրիչների և պիրազոլոնի այլ ածանցյալների նկատմամբ: - Ոսկրածուծային արյունաստեղծման ճնշում: - Արտահայտված լյարդային և/կամ երիկամային անբավարարություն: - Գլյուկոզա-6-ֆոսֆատդեհիդրոգենազի դեֆիցիտ: - Տախիկարդիա, ծանր ստենոկարդիա, դեկոմպենսացված քրոնիկ սրտային անբավարարություն: - Փակ անկյունային գլաուկոմա: - Շագանակագեղձի հիպերպլազիա (կլինիկական դրսևորումներով): - Աղիքային անանցանելիություն, մեգակոլոն, կոլապս: - Հղիություն (հատկապես I և III եռամսյակներում) և լակտացիայի շրջան: - Մինչև 15 տարեկան երեխաներ: - Որովայնի սուր ցավերը դադարեցնելու համար օգտագործումն անթույլատրելի է մինչև հիվանդության պատճառի պարզաբանումը: - Հակացուցված է միաժամանակյա կիրառումը ռենտգենոկոնտրաստային դեղամիջոցների, կոլոիդային արյուն փոխարինողների և պենիցիլինի հետ: Պահպանման պայմաններ Դեղամիջոցը պետք է պահել չոր, լույսից պաշտպանված տեղում, ոչ բարձր քան 25 աստիճան C ջերմաստիճանում: Պահել երեխաների համար անհասանելի վայրում: