Գերչակի յուղ բալի համով 60մլ №1

Կիրառում Գերչակի յուղը կիրառվում է սուր և քրոնիկ փորկապության դեպքում (ներառյալ վիրահատությունից առաջ և հետո), հեմորոիդալ հանգույցների և հետանցքի ճաքերի դեպքում աղիքների դատարկումը հեշտացնելու, ինչպես նաև ախտորոշիչ հետազոտության նախապատրաստման համար: Բժշկության մեջ այն խորհուրդ է տրվում մարսողական ուղիների բորբոքային վիճակների, կոլիտների և տենդային վիճակների, փորկապության, խցանումների, աղիքային թունավորումների դեպքում: Այն օգտագործվում է նաև խոցերի, այրվածքների բուժման, մաշկի փափկեցման և մազերի աճը բարելավող միջոցի համար: Ինչպես ընդունել Գերչակի յուղը պատկանում է մեղմ լուծողական միջոցներին: Մեծահասակների համար կիրառվում է օրական մեկ անգամ 15-30 մլ (1-2 ճաշի գդալ) դոզայով: 12-ից 18 տարեկան երեխաներին դեղը նշանակվում է բժշկի կողմից՝ օրական մեկ անգամ 10-15 գ (1 աղանդերային - 1 ճաշի գդալ): Մինչև 12 տարեկան երեխաներին կիրառումը հակացուցված է: Լուծողական ազդեցությունը սովորաբար սկսվում է ընդունումից 5-6 ժամ հետո: Կիրառման տևողությունը չպետք է գերազանցի 3 օրը: Հակացուցումներ - Դեղի նկատմամբ գերզգայունություն - Աղիքային անանցանելիություն - Որովայնի ցավեր անհայտ էթիոլոգիայի (<< սուր որովայն >> ) - Յուղալույծ նյութերով թունավորում (ֆոսֆոր, բենզոլ և այլն) - Հղիություն - Մինչև 1 տարեկան երեխաներ - Սուր և քրոնիկ գլոմերուլոնեֆրիտ - Նեֆրոզոնեֆրիտ Չկիրառել արու պտերնի էքստրակտի հետ միաժամանակ: Պահպանման պայմաններ Պահպանման ժամկետը կազմում է 3 տարի: Չօգտագործել պիտանելիության ժամկետը լրանալուց հետո: Պահպանման սահմանված պայմանները պահպանելու դեպքում, շիշը բացելուց հետո, յուղը կարող է կիրառվել մինչև պիտանելիության ժամկետի ավարտը: