Կարբոցիստեին օշարակ 2% 120մլ №1

Կիրառում: Կարբոցիստեինի 2% օշարակն օգտագործվում է սուր և քրոնիկ բրոնխաթոքային հիվանդությունների և ԼՕՌ օրգանների հիվանդությունների դեպքում, որոնք ուղեկցվում են մածուցիկ, դժվարությամբ արտազատվող խորխի և լորձի առաջացմամբ: Նման հիվանդություններից են տրախեիտը, բրոնխիտը, տրախեոբրոնխիտը, բրոնխիալ ասթման, բրոնխէկտատիկ հիվանդությունը, թոքերի քրոնիկ օբստրուկտիվ հիվանդությունը (ԹՔՕՀ): Այն օգտագործվում է նաև միջին ականջի, քթի և նրա հավելյալ ծոցերի բորբոքային հիվանդությունների դեպքում (ռինիտ, միջին օտիտ, սինուսիտ): Դեղը կարող է օգտագործվել հիվանդին բրոնխոսկոպիայի կամ բրոնխոգրաֆիայի նախապատրաստելու համար: Ինչպես ընդունել: Կարբոցիստեինի 2% օշարակը (20 մգ/մլ) ընդունվում է ներքին: Մեկ թեյի գդալ օշարակը (5 մլ) պարունակում է 100 մգ կարբոցիստեին: - 2-ից 5 տարեկան երեխաներին՝ օրական 2 անգամ 5 մլ (1 թեյի գդալ): Օրական դոզան չպետք է գերազանցի 200 մգ: - 5 տարեկանից բարձր երեխաներին՝ օրական 3 անգամ 5 մլ (1 թեյի գդալ): Օրական դոզան չպետք է գերազանցի 300 մգ: - Մեծահասակներին՝ խորհուրդ տրվող օրական դոզան կազմում է 2.25 գ (ինչը համապատասխանում է 112.5 մլ 2% օշարակին կամ 15 մլ 5% օշարակին օրական 3 անգամ); կլինիկական էֆեկտի հասնելուց հետո դոզան կարող է նվազեցվել մինչև 1.5 գ օրական: Կարբոցիստեինով բուժման տևողությունը չպետք է գերազանցի 8-10 օրը առանց բժշկի հետ խորհրդակցելու: Հակացուցումներ: - Բարձր զգայունություն կարբոցիստեինի կամ դեղամիջոցի այլ բաղադրիչների նկատմամբ: - Ստամոքսի և տասներկումատնյա աղիքի խոցային հիվանդություն սրացման փուլում: - Քրոնիկ գլոմերուլոնեֆրիտ (սրացման փուլում): - Ցիստիտ: - Հղիություն և կրծքով կերակրման շրջան (կլինիկական տվյալների անբավարարության պատճառով): - Մինչև 2 տարեկան երեխաներ: - Խորհուրդ չի տրվում սախարազա/իզոմալտազա անբավարարություն, ֆրուկտոզայի անտանելիություն, գլյուկոզա/գալակտոզա մալաբսորբցիայի համախտանիշ ունեցող հիվանդներին, քանի որ օշարակը պարունակում է սախարոզա: