Դիմեդրոլ սրվակ 1% 1մլ №10

Կիրառում Դիմեդրոլը H1-հիստամինային ընկալիչների պաշարիչ է: Այն ունի հակաալերգիկ ակտիվություն, տեղային անզգայացնող, սպազմոլիտիկ և չափավոր գանգլիոբլոկացնող ազդեցություն: Դեղը նվազեցնում կամ կանխում է հիստամինի կողմից առաջացած հարթ մկանների սպազմերը, մազանոթների թափանցելիության բարձրացումը, հյուսվածքների այտուցը, քորը և հիպերեմիան: Դիմեդրոլը նաև ունի հակաքրտնարտադրական, հանգստացնող և քնաբեր ազդեցություններ: Ինչպես ընդունել Դիմեդրոլը ներարկվում է ներերակային կամ ներմկանային ճանապարհով: - Մեծահասակների և 14 տարեկանից բարձր երեխաների համար՝ 1-5 մլ 1% լուծույթ (10-50 մգ) օրը 1-3 անգամ: Առավելագույն օրական դոզան 200 մգ է: - Երեխաների համար: - 7 ամսականից մինչև 12 ամսական՝ 0,3-0,5 մլ (3-5 մգ) ըստ անհրաժեշտության յուրաքանչյուր 6-8 ժամը մեկ: - 1 տարեկանից մինչև 3 տարեկան՝ 0,5-1 մլ (5-10 մգ) ըստ անհրաժեշտության յուրաքանչյուր 6-8 ժամը մեկ: - 4-ից 6 տարեկան՝ 1-1,5 մլ (10-15 մգ) ըստ անհրաժեշտության յուրաքանչյուր 6-8 ժամը մեկ: - 7-ից 14 տարեկան՝ 1,5-3 մլ (15-30 մգ) ըստ անհրաժեշտության յուրաքանչյուր 6-8 ժամը մեկ: Հակացուցումներ - Գերզգայունություն դիֆենհիդրամինի կամ նմանատիպ քիմիական կառուցվածքով այլ հակահիստամինային դեղամիջոցների նկատմամբ: - Լակտացիայի շրջան (կրծքով կերակրում): - Փակ անկյունային գլաուկոմա: - Շագանակագեղձի հիպերպլազիա: - Ստամոքսի և տասներկումատնյա աղիքի ստենոզացնող խոցային հիվանդություն: - Միզապարկի վզիկի ստենոզ: - Բրոնխիալ ասթմա: - Էպիլեպսիա: - Մինչև 7 ամսական մանկական տարիք: Պահպանման պայմաններ Պահել լույսից պաշտպանված տեղում: Պահել երեխաների համար անհասանելի տեղում: