Էրոլին դեղահաբ 10մգ №30

Կիրառում Էրոլինը օգտագործվում է հետևյալ ախտանիշները մեղմելու համար. - Սեզոնային և տարվա ընթացքում դրսևորվող ալերգիկ ռինիտ և կոնյունկտիվիտ (փռշտացում, քթի քոր, քթահոսություն, աչքերի այրոց և քոր, արցունքահոսություն): - Ալերգիկ մաշկային ռեակցիաներ, ինչպիսիք են քրոնիկ իդիոպաթիկ եղնջացանը, ինչպես նաև մաշկի քորը և ցաները նվազեցնելու համար: - Փոշեհատիկային ալերգիա (պոլինոզ): - Ատոպիկ դերմատիտ: - Անգիոնևրոտիկ այտուց: - Չճշտված ալերգիա: - Ոչ թունավոր միջատների և այլ ոչ թունավոր հոդվածոտանիների կծելը կամ խայթելը: Ինչպես ընդունել Էրոլինը ընդունվում է ներքին ընդունման եղանակով: Հաբերը պետք է ընդունել ուտելուց առաջ, չծամելով և հեղուկով խմելով: Եթե ալերգիկ ախտանիշները չեն նվազում 3 օրվա ընթացքում, դեղամիջոցի հետագա ընդունման արդյունավետությունը նվազում է: - Մեծահասակներին և 12 տարեկանից բարձր դեռահասներին. Առաջարկվող դոզան կազմում է 1 հաբ (10 մգ) օրը 1 անգամ: - 2-ից մինչև 12 տարեկան երեխաներին՝ 30 կգ-ից պակաս քաշով. Առաջարկվում է ընդունել 5 մգ (1/2 հաբ) օրը 1 անգամ: - 2-ից մինչև 12 տարեկան երեխաներին՝ 30 կգ-ից ավելի քաշով. Առաջարկվում է ընդունել 1 հաբ (10 մգ) օրը 1 անգամ: - 2-6 տարեկան երեխաներին. Էրոլին դեղամիջոցը խորհուրդ է տրվում նշանակել օշարակի տեսքով՝ հաբերը կուլ տալու հնարավոր դժվարությունների պատճառով: Հակացուցումներ - Գերզգայունություն լորատադինի կամ դեղամիջոցի ցանկացած այլ բաղադրիչի նկատմամբ: - Հղիություն և կրծքով կերակրման շրջան: - Մինչև 2 տարեկան երեխաների տարիք: - Գալակտոզայի անտանելիություն, լակտազայի անբավարարություն կամ գլյուկոզայի և գալակտոզայի յուրացման խանգարումներ (գլյուկոզա-գալակտոզային մալաբսորբցիայի համախտանիշ): - Քրոնիկ երիկամային և լյարդային անբավարարության ծանր ձև: - Ցնցումների հակում: Պահպանման պայմաններ Պահել չոր, լույսից պաշտպանված տեղում, սենյակային ջերմաստիճանում (ոչ բարձր 25 աստիճան C), օրիգինալ փաթեթավորմամբ, երեխաներին անհասանելի վայրում: