Լիդոկաին ցողաշիթ 10% 38գ №1

Կիրառում Լիդոկաինը (10% աերոզոլ) անգույն սպիրտային լուծույթ է՝ անանուխի բնորոշ հոտով, նախատեսված տեղային կիրառման համար: Բաղադրություն: Մեկ սրվակը պարունակում է: - Ակտիվ նյութ՝ լիդոկաին 3.8 գ (4.8 մգ մեկ դեղաչափում). - Օժանդակ նյութեր՝ անանուխի յուղ, պրոպիլենգլիկոլ, էթանոլ (96%): Դեղաթերապևտիկ խումբ՝ Տեղային անզգայացնող միջոցներ: Լիդոկաինի աերոզոլը կիրառվում է բոլոր դեպքերում, երբ անհրաժեշտ է մաշկի կամ լորձաթաղանթների անզգայացում: Մասնավորապես, այն օգտագործվում է ստոմատոլոգիայում և դիմածնոտային վիրաբուժությունում (օրինակ՝ տեղային անզգայացումից առաջ անզգայացման համար, շարժուն կաթնատամների հեռացման, լորձաթաղանթների կարերի դեպքում), օտորինոլարինգոլոգիայում (քթային արյունահոսությունների, նշագեղձերի հեռացումից առաջ), էնդոսկոպիկ և գործիքային հետազոտությունների ժամանակ (կոկորդի անզգայացում խողովակների ներդրումից առաջ), մանկաբարձությունում և գինեկոլոգիայում (շեքի անզգայացում, հեշտոցային վիրահատությունների ժամանակ), ինչպես նաև մաշկաբանությունում՝ մանր վիրահատությունների ժամանակ մաշկի և լորձաթաղանթների անզգայացման համար: Ինչպես ընդունել Դեղամիջոցի դեղաչափը կախված է ցուցումներից և անզգայացվող մակերեսի չափից: Փականի մեկ սեղմումով արտազատվում է 4.8 մգ լիդոկաին: Պլազմայում բարձր կոնցենտրացիաները կանխելու համար կարևոր է կիրառել նվազագույն դեղաչափը, որն ապահովում է բավարար արդյունք: Սովորաբար բավարար է 1-2 ցողում, թեև մանկաբարձությունում կարող է կիրառվել 15-20 և ավելի ցողում (առավելագույն դեղաչափը՝ 40 ցողում 70 կգ մարմնի քաշի համար): Մինչև 2 տարեկան երեխաների մոտ Լիդոկաինի աերոզոլը խորհուրդ է տրվում կիրառել քսելու մեթոդով (թանզիֆե տամպոնով), որպեսզի խուսափել դեղամիջոցի ներշնչման և այրման զգացողության ռիսկից: Հակացուցումներ Լիդոկաինի աերոզոլը խորհուրդ չի տրվում կիրառել տեղային անզգայացման համար՝ մինչև 8 տարեկան երեխաների նշագեղձերի և ադենոիդների հեռացումից առաջ: Պահպանման պայմաններ Ոչ բարձր քան +25 աստիճան C: