Սանդոստատին սրվակ 100մկգ/1մլ №5

Սանդոստատինը սինթետիկ օկտապեպտիդ է՝ բնական հորմոն սոմատոստատինի ածանցյալ, որն ունի նմանատիպ, բայց զգալիորեն ավելի երկարատև դեղաբանական ազդեցություն: Թողարկման ձևը: Ներերակային և ենթամաշկային ներարկման լուծույթ՝ թափանցիկ, անգույն: 0,1 մգ/մլ, 1 մլ ամպուլում: Կաթրոնե տուփի մեջ 5 ամպուլ: Բաղադրություն: 1 մլ լուծույթը պարունակում է. - Ակտիվ նյութ՝ օկտրեոտիդ (ազատ պեպտիդի տեսքով) 100 մկգ (0,1 մգ): - Օժանդակ նյութեր՝ կաթնաթթու, մանիտոլ, նատրիումի հիդրոկարբոնատ, ածխածնի երկօքսիդ, ներարկման համար ջուր: Ֆարմակոկինետիկա: Պլազմայի սպիտակուցների հետ կապումը կազմում է 65%: Ընդհանուր քլիրենսը կազմում է 160 մլ/րոպե: Ենթամաշկային ներարկումից հետո կիսատրոհման պարբերությունը կազմում է 100 րոպե: Ներերակային ներարկումից հետո արտազատման գործընթացը տեղի է ունենում 2 փուլով, համապատասխանաբար՝ 10 րոպե և 90 րոպե կիսատրոհման պարբերություններով: Կիրառում Սանդոստատինը ճնշում է աճի հորմոնի (ԱՀ) սեկրեցիան, ինչպես ախտաբանորեն բարձրացած, այնպես էլ արգինինով, ֆիզիկական ծանրաբեռնվածությամբ և ինսուլինային հիպոգլիկեմիայով պայմանավորվածը: Այն նաև ճնշում է գաստրոէնտերոպանկրեատիկ էնդոկրին համակարգում արտադրվող տարբեր պեպտիդների և սերոտոնինի սեկրեցիան, ինչպես նաև ինսուլինի, գլյուկագոնի և այլ հորմոնների սեկրեցիան: Ինչպես ընդունել Դոզան սահմանվում է անհատապես՝ կախված հիվանդության բնույթից, բուժման սխեմայից, ինչպես նաև կիրառվող դեղաձևից: Օկտրեոտիդը սովորական ազդեցության տևողությամբ դեղաձևի տեսքով կիրառվում է ենթամաշկային և ներերակային կաթիլային եղանակով: