Էլոկոմ լոսյոն 0.1% 30 մլ №1
Քանակ
Կիրառում Էլոկոմ լոսյոնը կիրառվում է գլյուկոկորտիկոստերոիդներով (ԳԿՍ) բուժման ենթակա դերմատոզների դեպքում բորբոքային ռեակցիաների և քորի թուլացման ու վերացման համար: Այն կարող է օգտագործվել նաև գլխի մազածածկ հատվածի մաշկի ախտահարումների բուժման համար: Ինչպես ընդունել Դեղամիջոցը կիրառվում է արտաքինորեն: Լոսյոնի մի քանի կաթիլ քսել մաշկի ախտահարված հատվածներին, ներառյալ գլխի մազածածկ հատվածի մաշկին, օրական մեկ անգամ և թեթև շարժումներով ներմերսել մինչև ամբողջական ներծծումը: Ամենաարդյունավետ և տնտեսող օգտագործման համար խորհուրդ է տրվում շիշի ծայրը մոտեցնել մաշկի ախտահարված հատվածին և թեթև սեղմել շիշը: Դեղաչափման ռեժիմը սահմանվում է անհատապես՝ կախված ցուցումներից, հիվանդի տարիքից և կիրառվող դեղաձևից: Երեխաների բուժումը պետք է իրականացվի բժշկի հսկողության ներքո: Հակացուցումներ - Բարձր զգայունություն մոմետազոնի կամ դեղամիջոցի ցանկացած այլ բաղադրիչի, ինչպես նաև այլ ԳԿՍ-ների նկատմամբ: - Մանկական տարիք մինչև 12 տարեկան (լոսյոնի համար): - Վարդագույն կորյակներ: - Պերիօրալ դերմատիտ: - Մաշկի բակտերիալ, վիրուսային (ներառյալ Herpes simplex, Herpes zoster, ջրծաղիկ) կամ սնկային վարակ: - Տուբերկուլոզ: - Սիֆիլիս: - Հետպատվաստումային ռեակցիաներ: - Հղիություն (կիրառում մաշկի լայն հատվածների վրա, երկարատև բուժում): - Կրծքով կերակրման շրջան (կիրառում բարձր դոզաներով և/կամ երկար ժամանակահատվածում):