Էլիդել նրբաքսուք 1% 15գ №1
Քանակ
Կիրառում Դեղամիջոցը նախատեսված է թեթև և չափավոր ատոպիկ դերմատիտի (էկզեմայի) կարճաժամկետ և երկարաժամկետ բուժման համար մեծահասակների, դեռահասների և երեխաների մոտ (3 ամսականից սկսած): Ինչպես ընդունել Բարակ շերտով քսել ախտահարված հատվածին օրական 2 անգամ և նրբորեն ներմերսել մինչև ամբողջական ներծծումը: Կրեմը կարելի է քսել մարմնի ցանկացած մասի մաշկին, ներառյալ գլուխը, դեմքը, պարանոկը, ինչպես նաև մաշկային ծալքերի և վերջույթների ճկույթների հատվածներին: Բուժումը պետք է սկսել հիվանդության առաջին դրսևորումների ժամանակ և շարունակել մինչև ախտանիշների լրիվ անհետացումը: Ատոպիկ դերմատիտի կրկնության առաջին նշանների դեպքում թերապիան պետք է վերսկսել: Եթե 6 շաբաթվա ընթացքում բարելավում չկա կամ հիվանդության սրացման դեպքում բուժումը պետք է դադարեցնել: Հակացուցումներ - Գերզգայունություն պիմեկրոլիմուսի, այլ մակրոլակտամների կամ դեղամիջոցի կազմի մեջ մտնող ցանկացած օժանդակ նյութերի նկատմամբ: - Երեխաների տարիքը մինչև 3 ամիս (3 ամսականից փոքր երեխաների մոտ օգտագործման անվտանգությունը և արդյունավետությունը չի ուսումնասիրվել): - Չպետք է քսել մաշկի այն հատվածներին, որոնք ախտահարված են սուր վիրուսային վարակներով (հասարակ հերպես, ջրծաղիկ): - Խորհուրդ չի տրվում օգտագործել Նեթերթոնի համախտանիշով կամ բորբոքման կամ մաշկի ծանր վնասվածքներով (օրինակ՝ էրիթրոդերմիա) հիվանդների մոտ՝ համակարգային ներծծման հնարավոր ռիսկի պատճառով: