Էֆֆերալգան մոմիկ մանկական 300մգ №10

Կիրառում Էֆերալգան 300մգ x 10 մոմիկները կիրառվում են երեխաների մոտ որպես ջերմիջեցնող միջոց սուր շնչառական հիվանդությունների, գրիպի, մանկական վարակների, հետպատվաստումային ռեակցիաների և ջերմության բարձրացմամբ ուղեկցվող այլ վարակային-բորբոքային հիվանդությունների ժամանակ: Այն օգտագործվում է նաև որպես ցավազրկող միջոց թույլ կամ չափավոր ինտենսիվության ցավային համախտանիշի դեպքում, ներառյալ գլխացավը, ատամնացավը, մկանային ցավը, նյարդացավը, վնասվածքների և այրվածքների հետևանքով առաջացած ցավը: Ինչպես ընդունել Դեղը կիրառվում է ուղիղ աղիքային ճանապարհով: 300 մգ մոմիկները նախատեսված են 20-ից 30 կգ քաշ ունեցող երեխաների համար (5-ից 10 տարեկան): Պարացետամոլի առաջարկվող օրական դոզան կազմում է 60 մգ/կգ մարմնի քաշի, բաժանված 4 ընդունման: Մեկանգամյա դոզան կազմում է 15 մգ/կգ յուրաքանչյուր 6 ժամը մեկ, ընդունումները պետք է լինեն հավասար ընդմիջումներով, ներառյալ գիշերվա ընթացքում: 14-ից 24 կգ քաշ ունեցող երեխաներին (4-ից 10 տարեկան) ներարկվում է 1 մոմիկ (300 մգ) օրական ոչ ավելի, քան 4 անգամ յուրաքանչյուր 6 ժամը մեկ: Օրական 4 մոմիկից ավելի չպետք է կիրառել: Լուծի դեպքում մոմիկի նշանակումը խորհուրդ չի տրվում: Երիկամների ծանր անբավարարության դեպքում (կրեատինինի քլիրենսը 10 մլ/րոպեից ցածր) երկու ընդունումների միջև ընդմիջումը պետք է լինի առնվազն 8 ժամ: Հակացուցումներ - Գերզգայունություն պարացետամոլի կամ դեղամիջոցի այլ բաղադրիչների նկատմամբ: - Երեխաների տարիքը մինչև 3 ամիս: - Լյարդի ֆունկցիայի ծանր խանգարումներ կամ դեկոմպենսացված լյարդի հիվանդություն ակտիվ փուլում: - Երիկամների ֆունկցիայի ծանր խանգարումներ: - Արյան հիվանդություններ: - Գլյուկոզա-6-ֆոսֆատդեհիդրոգենազ ֆերմենտի անբավարարություն: - Ուղիղ աղիքի վերջին բորբոքում կամ արյունահոսություն (հակացուցում՝ կապված ներմուծման ուղու հետ):