Դիպ Րիլիֆ դոնդող 100գ պարկուճ №1
Քանակ
Կիրառում ԴԻՊ Ռիլիֆ գելը կիրառվում է մկանային և հոդային ցավի, այտուցի տեղային ախտանիշային բուժման համար թեթև տրավմատիկ վնասվածքների դեպքում, ինչպիսիք են ջլերի ձգումները, կապտուկները, սպորտային վնասվածքները: Այն նաև օգտագործվում է ռևմատիզմի ժամանակ ցավային համախտանիշի համալիր բուժման մեջ: Կիրառման ցուցումներն են հենաշարժական համակարգի հիվանդությունները (այդ թվում՝ ռևմատոիդ արթրիտ, անկիլոզացնող սպոնդիլոարթրիտ, օստեոարթրոզ, օստեոխոնդրոզ՝ արմատային համախտանիշով, ռադիկուլիտ, լյումբագո, իշիաս), փափուկ հյուսվածքների ռևմատիկ հիվանդությունները (այդ թվում՝ տենդովագինիտ, բուրսիտ, պերիարթիկուլյար հյուսվածքների ախտահարում), փափուկ հյուսվածքների և հոդերի հետտրավմատիկ բորբոքումները (այդ թվում՝ ձգումների, գերծանրաբեռնվածության և կապտուկների հետևանքով), ինչպես նաև մեջքի և գոտկատեղի ցավերը: Ինչպես ընդունել Դեղամիջոցը կիրառվում է արտաքինորեն: Մեծահասակներին և 14 տարեկանից բարձր երեխաներին գելի փոքր քանակություն (3-5 սմ) քսում են օրական մինչև 4 անգամ բարակ շերտով մաշկի բորբոքված հատվածին և թեթևակի ներմերսում: Դիպ Ռիլիֆը կիրառելուց հետո ձեռքերը պետք է լվանալ, եթե դրանք բուժման օբյեկտ չեն հանդիսանում: Դեղամիջոցի կիրառման տևողությունը առանց բժշկի խորհրդատվության՝ ոչ ավելի, քան 10 օր: Հակացուցումներ ԴԻՊ Ռիլիֆ գելի կիրառման հակացուցումներն են. - Բրոնխային ասթմա, որը հրահրվում է ացետիլսալիցիլաթթվի կամ այլ ՈՍՀԴ-ների ընդունմամբ: - Մաշկի ամբողջականության խախտում: - Հղիություն: - Լակտացիայի շրջան (կրծքով կերակրում): - Մինչև 14 տարեկան երեխաների տարիքը: - Գերզգայունություն իբուպրոֆենի, լևոմենթոլի, ացետիլսալիցիլաթթվի կամ դեղամիջոցի այլ բաղադրիչների, կամ այլ ՈՍՀԴ-ների նկատմամբ: - Վնասված կամ բորբոքված մաշկ: - Տեղային վարակի առկայություն: - Միաժամանակյա կիրառում մաշկի նույն հատվածում այլ տեղային կիրառման դեղամիջոցների հետ: - Հղիության վերջին եռամսյակ: Զգուշությամբ պետք է կիրառել դեղամիջոցը լյարդային պորֆիրիայի սրման, ստամոքս-աղիքային տրակտի էրոզիվ-խոցային ախտահարումների, լյարդի և երիկամների ֆունկցիայի ծանր խանգարումների, քրոնիկ սրտային անբավարարության, բրոնխային ասթմայի դեպքում, ինչպես նաև տարեց հիվանդների մոտ: