Բետամեթազոն քսուք 0.1% 15գ պարկուճ №1

Կիրառում: Կիրառվում է մաշկի բորբոքային հիվանդությունների դեպքում, որոնք զգայուն են գլյուկոկորտիկոստերոիդ (ԳԿՍ) թերապիայի նկատմամբ, ինչպիսիք են՝ - էկզեման (ատոպիկ, մանկական, մետաղադրամանման) - կոնտակտային դերմատիտը - սեբորեային դերմատիտը - նեյրոդերմիտը - արևային դերմատիտը - էքսֆոլիատիվ դերմատիտը - ճառագայթային դերմատիտը - քերծվածքները - պսորիազը - անոգենիտալ և ծերունական քորը: Ինչպես ընդունել: Քսուքը նախատեսված է արտաքին օգտագործման համար: Քսուքի փոքր քանակություն պետք է քսել մաշկի ախտահարված հատվածին օրը 2 անգամ (առավոտյան և երեկոյան): Որոշ հիվանդների համար աջակցող ազդեցությունը կարող է ձեռք բերվել ավելի հազվադեպ կիրառման դեպքում: Բուժման կուրսը չպետք է գերազանցի 3-4 շաբաթը: Ավելի երկար բուժման կուրսի անհրաժեշտության դեպքում խորհուրդ է տրվում այն անցկացնել բժշկի հսկողության ներքո: Քրոնիկ հիվանդությունների, ինչպիսին է պսորիազը, կրկնությունները կանխելու համար բուժումը պետք է շարունակվի որոշ ժամանակ՝ բոլոր ախտանշանների անհետանալուց հետո: 6 ամսականից բարձր երեխաներին նշանակում են զգուշությամբ և հնարավորինս կարճ ժամկետով, ընդ որում, չպետք է օգտագործել օկլյուզիոն վիրակապեր: Հակացուցումներ: Դեղը հակացուցված է բետամետազոնի կամ դեղամիջոցի այլ բաղադրիչների նկատմամբ գերզգայունության դեպքում: Նաև հակացուցումներ են՝ - մաշկի բակտերիալ, վիրուսային և սնկային հիվանդությունները (պիոդերմիա, սիֆիլիս, մաշկի տուբերկուլյոզ, ջրծաղիկ, հերպես, ակտինոմիկոզ, բլաստոմիկոզ, սպորոտրիխոզ) - հետպատվաստումային մաշկային ռեակցիաները - բաց վերքերը - տրոֆիկ խոցերը - ռոզացեան - կորյակները - մանկական տարիքը մինչև 6 ամիս - հղիությունը և կրծքով կերակրման շրջանը: