Պրոգինովա դեղահաբ 2մգ х28 №3
Ընտրեք տարբերակը
Քանակ
Կիրառում Պրոգինովա դեղամիջոցը կիրառվում է հորմոնալ փոխարինող թերապիայի (ՀՓԹ) համար՝ հետդաշտանադադարի շրջանում գտնվող կանանց մոտ էստրոգենների անբավարարության ախտանիշների դեպքում (բնական դաշտանադադարի դեպքում վերջին դաշտանից ոչ շուտ, քան 6 ամիս հետո կամ անմիջապես վիրահատական միջամտության հետևանքով առաջացած դաշտանադադարից հետո, օրինակ՝ երկկողմանի ձվարանների հեռացումից հետո): Այն օգնում է այնպիսի ախտանիշների դեպքում, ինչպիսիք են տաքացումները, քրտնարտադրության բարձրացումը, քնի խանգարումները, դեպրեսիան, նյարդայնությունը, դյուրագրգռությունը, գլխացավերը, գլխապտույտները, միզապարկի գերզգայունությունը, մաշկի և լորձաթաղանթի դեգեներատիվ փոփոխությունները: Պրոգինովան օգտագործվում է նաև հետդաշտանադադարային օստեոպորոզի կանխարգելման համար՝ կոտրվածքների բարձր ռիսկ ունեցող կանանց մոտ, եթե հակացուցված է կամ անհանդուրժելի է օստեոպորոզի կանխարգելման այլ դեղամիջոցների կիրառումը: Ինչպես ընդունել Պրոգինովայի դրաժեները ընդունվում են ամբողջությամբ՝ մեկ բաժակ ջրով կամ կաթով, անկախ սննդի ընդունումից: Օրական դեղաչափը կազմում է 1-2 մգ: Մեկ փաթեթի դրաժեների ընդունումն ավարտելուց հետո պետք է սկսել դեղամիջոցի նոր փաթեթի ընդունումը՝ առանց ընդհատման: Թերապիան սկսելուց առաջ անհրաժեշտ է բացառել հղիությունը: Հակացուցումներ Պրոգինովան հակացուցված է հղիության և կրծքով կերակրման շրջանում: Հակացուցումները ներառում են նաև գերզգայունություն դեղամիջոցի բաղադրիչների նկատմամբ, լյարդի ֆունկցիայի ծանր խանգարումներ, Դուբին-Ջոնսոնի և Ռոտորի համախտանիշներ, լյարդի ուռուցքներ և թրոմբոէմբոլիկ գործընթացներ (ներառյալ անամնեզում), կրծքագեղձի քաղցկեղ, առկա կամ կասկածվող ուռուցքներ, որոնք զգայուն են սեռական ստերոիդ հորմոնների նկատմամբ, ծանր հիպերտրիգլիցերիդեմիա, ինչպես նաև անհայտ ծագման հեշտոցային արյունահոսություններ: