ՖլուիՖորտ սաշե 2.7գ №5

Կիրառում Ֆլուիֆորտ դեղը կիրառվում է սուր և քրոնիկ բրոնխաթոքային հիվանդությունների, ինչպես նաև ԼՕՌ-օրգանների հիվանդությունների դեպքում, որոնք ուղեկցվում են մածուցիկ, դժվարությամբ արտազատվող խորխի (օրինակ՝ տրախեիտ, բրոնխիտ, տրախեոբրոնխիտ, բրոնխիալ ասթմա, բրոնխէկտատիկ հիվանդություն) և լորձի (միջին ականջի, քթի և նրա հավելյալ ծոցերի բորբոքային հիվանդություններ, ինչպիսիք են ռինիտը, միջին օտիտը, սինուսիտը) առաջացումով: Այն օգտագործվում է նաև հիվանդին բրոնխոսկոպիայի կամ բրոնխոգրաֆիայի նախապատրաստելու համար: Ինչպես ընդունել Ֆլուիֆորտը ընդունվում է ներքին ընդունման եղանակով: 16 տարեկանից բարձր մեծահասակներին և դեռահասներին խորհուրդ է տրվում ընդունել օրական 1 փաթեթիկ: Փաթեթիկի պարունակությունը պետք է լուծել խմելու ջրի մեջ և մանրակրկիտ խառնել: Բուժման տևողությունը որոշվում է բժշկի կողմից և կարող է տևել 4 օրից մինչև 6 ամիս: Նշված դեղաչափը պահպանվում է լյարդի և երիկամների ֆունկցիաների խանգարումներ ունեցող հիվանդների, ինչպես նաև շաքարային դիաբետով տառապող հիվանդների համար: Հակացուցումներ - Գերզգայունություն կարբոցիստեինի նկատմամբ: - Ստամոքսի և տասներկումատնյա աղիքի խոցային հիվանդություն սրացման փուլում: - Մանկական տարիք մինչև 16 տարի (հատիկների համար): - Հղիության առաջին եռամսյակ: - Կրծքով կերակրման շրջան: - Ֆենիլկետոնուրիա (հատիկների համար), քանի որ դեղը պարունակում է ասպարտամ: Զգուշությամբ պետք է կիրառել դեղը ստամոքսի և տասներկումատնյա աղիքի խոցային հիվանդություն ունեցող հիվանդների մոտ (անամնեզում), հղիության երկրորդ և երրորդ եռամսյակներում, տարեց հիվանդների մոտ, ինչպես նաև այն դեղամիջոցների միաժամանակյա ընդունման դեպքում, որոնք մեծացնում են ստամոքս-աղիքային արյունահոսությունների զարգացման ռիսկը: