Դալացին Ց դեղապատիճ 150մգ №16

Կիրառում: Դալացինը կիրառվում է կլինդամիցինի նկատմամբ զգայուն միկրոօրգանիզմների կողմից առաջացած տարբեր վարակների բուժման համար: Դրանք ներառում են. - Վերին շնչուղիների վարակներ՝ տոնզիլիտ, ֆարինգիտ, սինուսիտ, օտիտ: - Ստորին շնչուղիների վարակներ՝ բրոնխիտ, թոքաբորբ: - Մաշկի և փափուկ հյուսվածքների վարակներ՝ ֆուրունկուլյոզ, թարախակույտեր, ցելյուլիտ, իմպետիգո, կարմիր քամի, ակնե, վարակված վերքեր: - Ոսկորների և հոդերի վարակներ՝ օստեոմիելիտ, սեպտիկ արթրիտ: - Փոքր կոնքի և որովայնի խոռոչի օրգանների վարակներ՝ պերիտոնիտ, որովայնի խոռոչի թարախակույտեր, էնդոմետրիտ, սալպինգիտ, տուբո-օվարիալ թարախակույտ, հեշտոցի վարակներ: - Սեպտիցեմիա, էնդոկարդիտ: - Սկարլատինա, դիֆթերիա (որպես օժանդակ միջոց): - Աչքի վարակներ (աչքի կաթիլների տեսքով): - Ուղեղի տոքսոպլազմոզ ՄԻԱՎ-ով հիվանդների մոտ (պիրիմետամինի հետ համակցությամբ): - Պնևմոցիստային թոքաբորբ ՄԻԱՎ-ով հիվանդների մոտ (պրիմախինի հետ համակցությամբ): - Մալարիա (քինինի հետ համակցությամբ): - Էնդոկարդիտի կանխարգելում պենիցիլինի նկատմամբ բարձր զգայունություն ունեցող հիվանդների մոտ: - Վարակների կանխարգելում վիրահատական միջամտությունների ժամանակ: Ինչպես ընդունել: Կապսուլաները պետք է ընդունել լիքը մեկ բաժակ ջրով՝ կերակրափողի գրգռվածությունից խուսափելու համար: - Մեծահասակների համար՝ 150-450 մգ յուրաքանչյուր 6 ժամը մեկ: Առավելագույն օրական դոզան կազմում է 1.8 գ: - Երեխաների համար՝ 8-25 մգ/կգ/օրը 3-4 ընդունմամբ: Հակացուցումներ: - Գերզգայունություն կլինդամիցինի, լինկոմիցինի կամ դեղամիջոցի ցանկացած այլ բաղադրիչի նկատմամբ: - Զգուշությամբ պետք է կիրառել լյարդի և/կամ երիկամային ծանր անբավարարության, բրոնխիալ ասթմայի, խոցային կոլիտի (անամնեզում), հղիության, կրծքով կերակրման շրջանում և մինչև 1 ամսական երեխաների մոտ: Պահպանման պայմաններ: Պահել 5 աստիճան C-ից մինչև 25 աստիճան C ջերմաստիճանում: