Ազիտրոմիցին ԱԲՌ դպճ 500մգ №3

Կիրառում Ազիթրոմիցին ԱԲՌ-ն համակարգային հակաբիոտիկ է, որը նախատեսված է ազիթրոմիցինի նկատմամբ զգայուն բակտերիաների և այլ միկրոօրգանիզմների կողմից առաջացած վարակների բուժման համար: Այն օգտագործվում է ինչպես մեծահասակների, այնպես էլ երեխաների (45 կգ-ից ավելի քաշով) հետևյալ պայմանների բուժման համար. - Վերին շնչուղիների և ԼՕՌ օրգանների վարակներ՝ կոկորդի, նշիկների, միջին ականջի բորբոքում, սինուսիտներ: - Ստորին շնչուղիների վարակներ՝ բրոնխիտ, թոքաբորբի որոշ տեսակներ: - Մաշկի և փափուկ հյուսվածքների վարակներ՝ քրոնիկ էրիթեմա (Լայմի հիվանդության առաջին փուլ), կարմիր քամի, մաշկի բակտերյալ վարակներ (իմպետիգո, երկրորդային պիոդերմիա), ակնեի միջին ծանրության ձև: - Սեռական ճանապարհով փոխանցվող հիվանդություններ, որոնք առաջացել են Chlamydia միկրոօրգանիզմի կողմից (չբարդացած ուրեթրիտներ և ցերվիցիտներ): Ինչպես ընդունել Ազիթրոմիցին ԱԲՌ-ի առաջարկվող դեղաչափը մեծահասակների և 45 կգ-ից ավելի քաշ ունեցող երեխաների համար. - Կոկորդի, նշիկների, միջին ականջի բորբոքման, սինուսիտի, բրոնխիտի, թոքաբորբի դեպքում՝ 1 պարկուճ (500 մգ) օրը մեկ անգամ 3 օրվա ընթացքում: - Սեռական ճանապարհով փոխանցվող հիվանդությունների դեպքում, որոնք առաջացել են Chlamydia միկրոօրգանիզմներով՝ 2 պարկուճ (1000 մգ) մեկանգամյա: Դեղը պետք է ընդունել օրը մեկ անգամ, ուտելուց առնվազն մեկ ժամ առաջ կամ երկու ժամ հետո: Հակացուցումներ Մի ընդունեք Ազիթրոմիցին ԱԲՌ, եթե ունեք. - Գերզգայունություն (ալերգիա) ազիթրոմիցինի կամ դեղամիջոցի ցանկացած օժանդակ նյութի նկատմամբ: - Ալերգիա էրիթրոմիցինի կամ մակրոլիդների և կետոլիդների խմբի այլ հակաբիոտիկների նկատմամբ: - Լյարդի ֆունկցիայի ծանր խանգարումներ: - Երիկամների ֆունկցիայի ծանր խանգարումներ: - Ալկալոիդների (դիհիդրոէրգոտամին, էրգոտամին) հետ միաժամանակյա օգտագործում: - Հղիություն և կրծքով կերակրման շրջան (կիրառումը հնարավոր է բժշկի նշանակմամբ, երբ մոր համար ակնկալվող օգուտը գերազանցում է պտղի համար հնարավոր ռիսկը; կրծքով կերակրման շրջանում օգտագործելիս կրծքով կերակրումը պետք է դադարեցվի): - 45 կգ-ից պակաս քաշ ունեցող երեխաներ (500 մգ պարկուճների համար):