Նատրի քլորիդ լ/0,9մլ/1000մլ №1

Կիրառում Նատրիումի քլորիդ 0.9%-ը կիրառվում է իզոտոնիկ արտաբջջային դեհիդրատացիայի, հիպոնատրիեմիայի դեպքերում, ինչպես նաև որպես հիմնական լուծույթ՝ ներարկային եղանակով ներմուծվող դեղանյութերի նոսրացման և լուծման համար: Ինչպես ընդունել Նատրիումի քլորիդի իզոտոնիկ լուծույթը ներարկվում է երակային ճանապարհով (սովորաբար կաթիլային եղանակով): Անհրաժեշտ դոզան կարող է հաշվարկվել անհատապես: Ներարկման արագությունը կարող է կազմել 540 մլ/ժ (180 կաթիլ/րոպե), անհրաժեշտության դեպքում արագությունը մեծացվում է: Նատրիումի քլորիդ լուծույթի դոզան երեխաների համար կազմում է օրական 20-ից 100 մլ մեկ կգ մարմնի քաշի հաշվարկով (կախված տարիքից և ընդհանուր մարմնի քաշից): Անհրաժեշտ է նաև հաշվի առնել ավելացվող դեղամիջոցների օգտագործման հրահանգները: Հակացուցումներ Բարձր զգայունություն նատրիումի քլորիդի նկատմամբ, հիպերնատրիեմիա, հիպերհիդրատացիոն վիճակներ, թոքերի կամ ուղեղի այտուցի վտանգ: Մեծ ծավալի նատրիումի քլորիդը պետք է զգուշությամբ կիրառել երիկամների արտազատիչ ֆունկցիայի խանգարումներ ունեցող պացիենտների մոտ՝ հիպոկալիեմիայի դեպքում: Լուծույթի մեծ քանակի ներարկումը կարող է հանգեցնել քլորիդային ացիդոզի, հիպերհիդրատացիայի, օրգանիզմից կալիումի արտազատման ավելացման: Հիպերտոնիկ լուծույթը չի կիրառվում ենթամաշկային և ներմկանային ճանապարհով: