Միդօպտիկ աչքի կաթիլներ 2,5% 10մլ №1
Քանակ
Կիրառում Դեղամիջոցը կիրառվում է բբերի լայնացման համար ակնակապճային վիրահատությունների ժամանակ; ախտորոշիչ հետազոտությունների, ինչպիսիք են օֆթալմոսկոպիան, ռետինոսկոպիան, ռեֆրակցիան; սինեխիաներով բարդացած ուվեիտի բուժման, ինչպես նաև սինեխիաների կանխարգելման համար: Ինչպես ընդունել - Միդրիազի (բբի լայնացում) և անոթների նեղացման համար՝ 1 կաթիլ, անհրաժեշտության դեպքում կարելի է կրկնել մեկ ժամից: - Սինեխիաներով բարդացած ուվեիտների բուժման և սինեխիաների կանխարգելման համար՝ 1 կաթիլ, բայց օրական ոչ ավելի, քան 3 անգամ: Անհրաժեշտության դեպքում բուժումը կրկնում են հաջորդ օրը: - Վիրահատությունից առաջ՝ 1 կաթիլ վիրահատությունից 30-60 րոպե առաջ: - Օֆթալմոսկոպիայի ժամանակ՝ 1 կաթիլ հետազոտությունից 15-30 րոպե առաջ: Հակացուցումներ Բարձր զգայունություն ֆենիլէֆրինի և սուլֆիտների նկատմամբ, փորոքների ֆիբրիլյացիա, անոթների սպազմների հակում, ուղեղի արյան շրջանառության ծանր խանգարումներ, դեկոմպենսացված սրտային անբավարարություն, սրտի իշեմիկ հիվանդության ծանր ձևեր, ֆեոխրոմոցիտոմա, հիպերթիրեոզ, ծանր աթերոսկլերոզ, փակակաթվածային գլաուկոմա, նորածնային շրջան (ցածր քաշով երեխաների համար): Զգուշությամբ պետք է կիրառել III-IV ֆունկցիոնալ դասի ստենոկարդիայի, շաքարային դիաբետի, զարկերակային հիպերտենզիայի, իդիոպաթիկ օրթոստատիկ զարկերակային հիպոթենզիայի, հղիության, լակտացիայի, ծերության և մինչև 12 տարեկան երեխաների մոտ: