Զոլեդրո-Դենկ ֆլ․ 4մգ/5մլ №1

Զոլեդրո - Դենկ 4մգ/5մլ x 1 դեղամիջոցը կիրառվում է ոսկրային հյուսվածքի վնասման հետ կապված ախտանիշների (ախտաբանական կոտրվածքներ, ողնաշարի սեղմում, վիրահատական միջամտություններից և ճառագայթային թերապիայից հետո բարդություններ կամ չարորակ ուռուցքով պայմանավորված հիպերկալցեմիա) կանխարգելման համար՝ չարորակ նորագոյացություններով հիվանդների մոտ ուշ փուլերում: Այն օգտագործվում է նաև չարորակ ուռուցքով պայմանավորված հիպերկալցեմիայի բուժման համար: Ինչպես ընդունել Զոլեդրո - Դենկ 4 մգ/5 մլ դեղամիջոցը պետք է նշանակվի և ներարկվի միայն բիսֆոսֆոնատների ներերակային ներարկման փորձ ունեցող բժշկի կողմից: - Ոսկրերի վնասման հետ կապված բարդությունների կանխարգելում. Զոլեդրոնաթթվի առաջարկվող դոզան մեծահասակ հիվանդների համար, որոնք ունեն չարորակ նորագոյացություններ ուշ փուլերում՝ ոսկրերի ախտահարումով, կազմում է 4 մգ յուրաքանչյուր 3-4 շաբաթը մեկ: Հիվանդներին պետք է նաև նշանակվեն կալցիումի հավելումներ՝ օրական 500 մգ դոզայով, և վիտամին D՝ օրական 400 ՄՄ դոզայով: - Չարորակ ուռուցքով պայմանավորված հիպերկալցեմիայի բուժում. Առաջարկվում է կիրառել զոլեդրոնաթթվի միանվագ դոզա՝ 4 մգ: Զոլեդրոնաթթվի ներարկումից առաջ և հետո պետք է ապահովել հիվանդի պատշաճ հիդրատացիա: Զոլեդրո - Դենկ 4 մգ/5 մլ դեղամիջոցը չի կարելի խառնել ինֆուզիոն լուծույթների հետ, որոնք պարունակում են կալցիում կամ այլ երկվալենտ կատիոններ (օրինակ՝ Ռինգերի լակտատ լուծույթ): Դեղամիջոցը պետք է ներարկվի որպես առանձին լուծույթ ներերակային կիրառման համար՝ օգտագործելով առանձին ինֆուզիոն համակարգ: Այն ներարկվում է որպես մեկանգամյա ինֆուզիա՝ առնվազն 15 րոպե տևողությամբ: Հակացուցումներ Գերզգայունություն ակտիվ նյութի (զոլեդրոնաթթու), այլ բիսֆոսֆոնատների կամ դեղամիջոցի կազմի մեջ մտնող ցանկացած օժանդակ նյութի նկատմամբ: Հղիությունը կամ կրծքով կերակրումը հակացուցում են դեղամիջոցի կիրառմանը: Պահպանման պայմաններ Պահել 25 աստիճան C-ից ոչ բարձր ջերմաստիճանում, երեխաների համար անհասանելի վայրում: Չսառեցնել: