Սիմբրինզա աչքի կաթիլ 5մլ №1
Քանակ
Կիրառում Սիմբրինզա դեղը կիրառվում է բարձրացած ներակնային ճնշումը (ՆԱՃ) իջեցնելու համար բաց անկյունային գլաուկոմայով կամ ակնային հիպերտենզիայով պացիենտների մոտ, երբ մոնոթերապիան չի ապահովում ՆԱՃ-ի բավարար իջեցում: Ինչպես ընդունել Դեղը կիրառվում է տեղայինորեն: Մեծահասակները պետք է կաթեցնեն Սիմբրինզա դեղի 1 կաթիլ վնասված աչքի(երի) կոնյուկտիվալ պարկի մեջ օրը 2 անգամ: Օգտագործելուց առաջ շիշը պետք է լավ թափահարել: Դեղի կիրառումից հետո համակարգային կողմնակի ռեակցիաների զարգացման ռիսկը նվազեցնելու համար խորհուրդ է տրվում փակել կոպերը և մատով թեթևակի սեղմել արցունքային պարկերի պրոյեկցիայի հատվածին աչքի ներքին անկյունում 2 րոպեի ընթացքում: Սա նպաստում է դեղի համակարգային ներծծման նվազեցմանը և տեղային ազդեցության ուժեղացմանը: Չի թույլատրվում շշի կաթոցիչի ծայրը դիպչել կոպերին և այլ մակերեսներին՝ լուծույթի աղտոտումից խուսափելու համար: Օգտագործելուց հետո շիշը պետք է ամուր փակել: Դոզան բաց թողնելու դեպքում բուժումը պետք է շարունակել հաջորդ դոզայից՝ ըստ ժամանակացույցի, ընդ որում, դոզան չպետք է գերազանցի 1 կաթիլը վնասված աչքի(երի) մեջ օրը 2 անգամ: Հակացուցումներ - Գերզգայունություն դեղի ակտիվ կամ օժանդակ նյութերի, կամ սուլֆոնամիդների նկատմամբ: - Մոնոամինօքսիդազի (ՄԱՕ) ինհիբիտորներով թերապիա: - Հակադեպրեսանտների կիրառում, որոնք ազդում են նորադրեներգիկ փոխանցման վրա (օրինակ՝ տրիցիկլիկ հակադեպրեսանտներ և միանսերին): - Երիկամների ֆունկցիայի ծանր խանգարում: - Հիպերքլորեմիկ ացիդոզ: - Նորածիններ և մինչև 2 տարեկան երեխաներ: