Սալբուտամոլ օշարակ 2մգ/5մլ 125մլ №1

Կիրառում: Սալբուտամոլի օշարակը կիրառվում է բրոնխոսպազմի բուժման և կանխարգելման համար՝ շնչուղիների խոչընդոտման դարձելի վիճակների դեպքում, ինչպիսիք են բրոնխային ասթման, քրոնիկ բրոնխիտը և թոքերի էմֆիզեման: Դեղը հարմար է երեխաների և մեծահասակների համար, ովքեր չեն կարող օգտագործել ինհալացիոն Betta2-ագոնիստներ: Այն օգտագործվում է ասթմայի և թոքերի այլ հիվանդությունների դեպքում շնչառությունը հեշտացնելու համար: Ինչպես ընդունել: Օշարակն ընդունվում է ներքին՝ անկախ սննդի ընդունումից: - Մեծահասակներ. Սկզբնական նվազագույն դոզան կազմում է 2 մգ սալբուտամոլ (5 մլ օշարակ) օրական 3-4 անգամ: Սովորական արդյունավետ դոզան կազմում է 4 մգ սալբուտամոլ (10 մլ օշարակ) օրական 3-4 անգամ: Անհրաժեշտության դեպքում դոզան կարող է ավելացվել մինչև 8 մգ սալբուտամոլ (20 մլ օշարակ) օրական 4 անգամ, եթե բավարար բրոնխոդիլատացիա չի ձեռք բերվում (առավելագույն օրական դոզան՝ 32 մգ): - Երեխաներ. Սալբուտամոլ Սոֆարմա օշարակը թույլատրվում է կիրառել 2 տարեկանից բարձր երեխաների մոտ: - 2-6 տարեկան երեխաներ. 2,5 մլ օրական 3 անգամ: - 6 տարեկանից բարձր երեխաներ. 5 մլ օրական 3-4 անգամ: Հակացուցումներ: - Գերզգայունություն (ալերգիա) սալբուտամոլի կամ դեղամիջոցի ցանկացած օժանդակ նյութի նկատմամբ: - Օշարակը չպետք է օգտագործվի չբարդացած վաղաժամ ծննդաբերությունը դադարեցնելու կամ վիժման վտանգի դեպքում: - Սալբուտամոլ Սոֆարմա դեղամիջոցը չի կիրառվում ինքնուրույն կամ որպես հիմնական միջոց՝ բրոնխային ասթմայի ծանր կամ անկայուն ձևերի բուժման, ինչպես նաև ասթմատիկ նոպաները կանխելու համար: - Զգուշությամբ պետք է կիրառել վահանաձև գեղձի հիվանդությունների դեպքում, որոնք կապված են դրա ֆունկցիայի բարձրացման հետ, ինչպես նաև սրտի հիվանդությունների դեպքում, հատկապես սրտի ռիթմի խանգարումների կամ ստենոկարդիայի (կրծքավանդակի ցավ) հետ կապված: Պահպանման պայմաններ: Պահել օրիգինալ փաթեթավորմամբ՝ ոչ բարձր քան 25 աստիճան C ջերմաստիճանում: Պահել երեխաների համար անհասանելի վայրում: Դեղամիջոցի պիտանելիության ժամկետը 2 տարի է: Շիշը բացելուց հետո պիտանելիության ժամկետը մեկ ամիս է: