Դետրալեքս դեղահաբ 1000մգ №30

Կիրառում: Դետրալեքս-ը նախատեսված է մեծահասակների մոտ քրոնիկական երակային հիվանդությունների ախտանիշների բուժման համար (ախտանիշների վերացում և թեթևացում): Սա ներառում է երակա-լիմֆատիկ անբավարարության ախտանիշների բուժումը, ինչպիսիք են ցավը, ստորին վերջույթների ջղաձգությունները, ոտքերում ծանրության և լարվածության զգացումը, ինչպես նաև ոտքերի ''հոգնածությունը'': Դեղամիջոցը նաև կիրառվում է երակա-լիմֆատիկ անբավարարության դրսևորումների բուժման համար, ներառյալ ստորին վերջույթների այտուցները, մաշկի և ենթամաշկային բջջանքի տրոֆիկ փոփոխությունները, ինչպես նաև ոտքերի երակային տրոֆիկ խոցերը: Դետրալեքս-ը նաև օգտագործվում է սուր և քրոնիկական թութքի ախտանշանային բուժման համար: Ինչպես ընդունել: Դեղամիջոցն ընդունում են ներքին: Դեղահաբերը պետք է կուլ տալ ջրով: Դեղահաբի վրա գտնվող գիծը նախատեսված է բացառապես բաժանման համար՝ կուլ տալը հեշտացնելու նպատակով: - Երակա-լիմֆատիկ անբավարարության դեպքում. Առաջարկվող դոզան կազմում է 1000 մգ (1 դեղահաբ կամ 1 փաթեթիկ) օրական, նախընտրելի է առավոտյան, սննդի ընդունման ժամանակ: Բուժման կուրսի տևողությունը կարող է հասնել մի քանի ամսվա (մինչև 12 ամիս): Ախտանիշների կրկնվելու դեպքում բուժման կուրսը կարող է կրկնվել բուժող բժշկի առաջարկությամբ: - Սուր թութքի դեպքում. Առաջարկվող դոզան կազմում է օրական 3 դեղահաբ (1 դեղահաբ առավոտյան, ցերեկը և երեկոյան) 4 օրվա ընթացքում, այնուհետև օրական 2 դեղահաբ (1 դեղահաբ առավոտյան և երեկոյան) հաջորդ 3 օրվա ընթացքում, սննդի ընդունման ժամանակ: - Քրոնիկական թութքի դեպքում. Առաջարկվող դոզան կազմում է օրական 1 դեղահաբ, սննդի ընդունման ժամանակ: Հակացուցումներ: Մի ընդունեք Դետրալեքս դեղամիջոցը, եթե ունեք ալերգիա (գերզգայունություն) մաքրված միկրոնիզացված ֆլավոնոիդային ֆրակցիայի կամ դեղամիջոցի ցանկացած այլ բաղադրիչների նկատմամբ: Պահպանման պայմաններ: Դեղամիջոցը պետք է պահել երեխաների համար անհասանելի վայրում՝ ոչ բարձր քան 30 աստիճան C ջերմաստիճանում: