Վենառւս դհտ թ/պ 500մգ №60

Կիրառում Վենարուս-ը ցուցված է քրոնիկ երակային հիվանդությունների ախտանիշների բուժման համար (ախտանիշների վերացում և թեթևացում): Երակա-լիմֆատիկ անբավարարության ախտանիշների բուժում՝ ցավ, ստորին վերջույթների կծկումներ, ոտքերում ծանրության և լարվածության զգացում, ոտքերի << հոգնածություն >> : Երակա-լիմֆատիկ անբավարարության դրսևորումների բուժում՝ ստորին վերջույթների այտուցներ, մաշկի և ենթամաշկային բջջանքի տրոֆիկ փոփոխություններ, երակային տրոֆիկ խոցեր: Սուր և քրոնիկ հեմորոյի սիմպտոմատիկ թերապիա: Ինչպես ընդունել Դեղը ընդունվում է բերանով: - Երակա-լիմֆատիկ անբավարարության դեպքում՝ առաջարկվող դեղաչափը օրական 2 հաբ է (մեկ կամ երկու անգամ)՝ առավոտյան, ցերեկը և/կամ երեկոյան, ուտելիս: Հաբերը պետք է կուլ տալ ամբողջությամբ՝ ջրով: Հաբի վրա գտնվող ռիսկը նախատեսված է բացառապես կուլ տալը հեշտացնելու համար բաժանելու նպատակով: Բուժման կուրսի տևողությունը կարող է կազմել մի քանի ամիս (մինչև 12 ամիս): Ախտանիշների կրկնվելու դեպքում, բժշկի առաջարկությամբ, բուժման կուրսը կարող է կրկնվել: - Սուր հեմորոյի դեպքում՝ առաջարկվող դեղաչափը օրական 6 հաբ է (3 հաբ առավոտյան և 3 հաբ երեկոյան) 4 օրվա ընթացքում, այնուհետև օրական 4 հաբ (2 հաբ առավոտյան և 2 հաբ երեկոյան) հաջորդ 3 օրվա ընթացքում: - Քրոնիկ հեմորոյի դեպքում՝ առաջարկվող դեղաչափը օրական 2 հաբ է՝ ուտելիս: Հակացուցումներ - Բարձր զգայունություն դեղի բաղադրության մեջ մտնող ակտիվ նյութերի կամ օժանդակ նյութերի նկատմամբ: - Հղիություն և կրծքով կերակրման շրջան (կիրառման փորձը սահմանափակ է կամ բացակայում է): Կրծքով կերակրման շրջանում կիրառումը խորհուրդ չի տրվում՝ կրծքի կաթի մեջ դեղի արտազատման վերաբերյալ տվյալների բացակայության պատճառով: - Մինչև 18 տարեկան երեխաների տարիք (կիրառման փորձը բացակայում է):