Պանցեֆ օշարակ 100մգ/5մլ 60մլ №1

Կիրառում << Պանցեֆ >> սուսպենզիա 100մգ/5մլ - 60մլ-ը կիրառվում է ցեֆիքսիմի նկատմամբ զգայուն միկրոօրգանիզմներով պայմանավորված վարակային-բորբոքային հիվանդությունների դեպքում: Այդ հիվանդություններից են վերին շնչուղիների վարակները (ֆարինգիտ, տոնզիլիտ, սինուսիտ), միջին օտիտը, ստորին շնչուղիների վարակները (բրոնխիտ, տրախեոբրոնխիտ), միզուղիների վարակները, ինչպես նաև անբարդ գոնորեան (միզուկի և արգանդի վզիկի): Ինչպես ընդունել Դեղը ընդունվում է ներքին ընդունման ճանապարհով: - Մեծահասակների և 12 տարեկանից բարձր երեխաների համար՝ մարմնի քաշը 50 կգ-ից ավելի. առաջարկվող օրական դոզան կազմում է 400 մգ (օրը մեկ անգամ կամ 200 մգ՝ օրը երկու անգամ): - Անբարդ գոնորեայի դեպքում՝ 400 մգ՝ միանվագ: - 6 ամսականից մինչև 12 տարեկան երեխաների համար՝ մարմնի քաշը 50 կգ-ից պակաս. դեղը նշանակվում է սուսպենզիայի տեսքով՝ 8 մգ/կգ մարմնի քաշի չափով՝ օրը մեկ անգամ կամ 4 մգ/կգ՝ օրը երկու անգամ (ամեն 12 ժամը մեկ): - Բուժման միջին տևողությունը՝ 7-10 օր: - Streptococcus pyogenes-ով պայմանավորված վարակների դեպքում՝ բուժման կուրսը պետք է լինի առնվազն 10 օր: - Դեղաչափման համար պետք է օգտագործել չափիչ գդալ կամ չափիչ ներարկիչ, որոնք յուրաքանչյուր օգտագործումից հետո պետք է լավ լվանալ ջրով: - Երիկամների ֆունկցիայի խանգարումների դեպքում. կրեատինինի մաքրման (ԿՄ) 21-ից 60 մլ/րոպե կամ հեմոդիալիզի ենթարկվող հիվանդների դեպքում օրական դոզան պետք է նվազեցնել 25%-ով: ԿՄ≤20 մլ/րոպեի դեպքում օրական դոզան պետք է նվազեցնել 2 անգամ: Հակացուցումներ << Պանցեֆ >> սուսպենզիան հակացուցված է հետևյալ դեպքերում. - Գերզգայունություն ցեֆալոսպորինների, այդ թվում՝ պենիցիլինների, պենիցիլամինի նկատմամբ: - Մինչև 6 ամսական երեխաների տարիք: - Ծանր ալերգիկ ռեակցիա այլ բետա-լակտամային հակաբիոտիկների և պենիցիլինների նկատմամե անամնեզում: - Ալերգիա ցեֆիքսիմի կամ դեղամիջոցի ցանկացած այլ բաղադրիչի նկատմամբ: