էրմուցին դեղապատիճ 300մգ №20

Կիրառում Էրմուցին դեղամիջոցը կիրառվում է բրոնխիալ սեկրետի մածուցիկությունը նվազեցնելու և խորխարտադրությունը հեշտացնելու համար՝ վերին և ստորին շնչուղիների սուր և քրոնիկ հիվանդությունների բուժման ժամանակ: Այդ հիվանդությունները ներառում են բրոնխիտը, ռինիտը, սինուսիտը, լարինգոֆարինգիտը, քրոնիկ բրոնխիտի սրացումը, թոքերի քրոնիկ օբստրուկտիվ հիվանդությունները (ԹՔՕՀ), հիպերսեկրետոր բրոնխիալ ասթման և բրոնխոէկտատիկ հիվանդությունը: Ինչպես ընդունել Էրմուցինը նախատեսված է մեծահասակների համար՝ օրական 2 անգամ 1 պարկուճ (300 մգ): Բուժման կուրսը կարող է տևել մինչև 10 օր: Պինդ պարկուճները պետք է ընդունել ներքին ընդունման ճանապարհով: Այս դեղաձևը նախատեսված չէ երեխաների մոտ կիրառելու համար: Հակացուցումներ - Գերզգայունություն ակտիվ նյութի (էրդոստեինի) կամ ցանկացած օժանդակ նյութերի նկատմամբ, որոնք պարունակում են ազատ SH-խմբեր: - Լյարդի խանգարումներ, ներառյալ լյարդի ցիռոզը (օրինակ՝ արյան շիճուկում ալկալային ֆոսֆատազի կամ տրանսամինազների մակարդակի բարձրացման դեպքում): - Երիկամային անբավարարություն (կրեատինինի քլիրենսը < 25 մլ/րոպե): - Հոմոցիստինուրիա (քանի որ էրդոստեինը հոմոցիստեինի աղբյուր է, և տվյալներ չկան դեղամիջոցի կիրառման մասին ամինաթթուների նյութափոխանակության բնածին խանգարումներով հիվանդների մոտ, հատկապես նրանց, ովքեր ստիպված են պահպանել առանց մեթիոնինի դիետա) և ցիստատիոնին-սինթետազա ֆերմենտի անբավարարության դեպքում: - Խոցային հիվանդությունն ակտիվ փուլում: Պահպանման պայմաններ Պահել 25 աստիճան C-ից ոչ բարձր ջերմաստիճանում: