Պանցեֆ օշարակ 100մլ №1

Կիրառում Պանցեֆը կիրառվում է ցեֆիքսիմի նկատմամբ զգայուն միկրոօրգանիզմներով պայմանավորված ինֆեկցիոն-բորբոքային հիվանդությունների դեպքում: Դրանք ներառում են. - Վերին շնչուղիների ինֆեկցիաներ (տոնզիլիտ, ֆարինգիտ, սինուսիտ): - Միջին օտիտ: - Ստորին շնչուղիների ինֆեկցիաներ (սուր բրոնխիտ, քրոնիկ բրոնխիտի սրացում, տրախեոբրոնխիտ): - Միզուղիների ինֆեկցիաներ (ցիստիտ, ցիստոուրեթրիտ, անբարդ պիելոնեֆրիտ, ուրեթրիտ): - Անբարդ գոնորեա (միզուկի և արգանդի վզիկի): Ինչպես ընդունել Պանցեֆը ընդունվում է ներքին ընդունման եղանակով: - Մեծահասակների և 12 տարեկանից բարձր երեխաների համար, ովքեր ունեն ավելի քան 50 կգ մարմնի քաշ. առաջարկվող օրական դոզան կազմում է 400 մգ օրական 1 անգամ կամ 200 մգ օրական 2 անգամ: - Սուր անբարդ գոնորեայի դեպքում. 400 մգ միանվագ: - 6 ամսականից մինչև 12 տարեկան երեխաների համար, ովքեր ունեն ավելի քան 50 կգ մարմնի քաշ. Դեղամիջոցը նշանակվում է սուսպենզիայի տեսքով՝ 8 մգ/կգ մարմնի քաշի դոզայով օրական 1 անգամ կամ 4 մգ/կգ 2 անգամ օրական (ամեն 12 ժամը մեկ): - Բուժման միջին տևողությունը՝ 7-10 օր: Streptococcus pyogenes-ով պայմանավորված ինֆեկցիաների դեպքում բուժման կուրսը պետք է կազմի առնվազն 10 օր: Հակացուցումներ - Բարձր զգայունություն ցեֆալոսպորինների և պենիցիլինների նկատմամբ: - Կրծքով կերակրման շրջան (նշանակման անհրաժեշտության դեպքում պետք է դադարեցնել կրծքով կերակրումը): - Զգուշությամբ է կիրառվում հղիության, երիկամների ֆունկցիայի խանգարումների, երեխաների և տարեց հիվանդների մոտ: