Գուտտալաքս 7․5մլ կաթիլ 30մլ №1
Քանակ
Կիրառում Գուտալաքս կաթիլներն օգտագործվում են որպես լուծողական միջոց փորկապության դեպքում, որոնք պայմանավորված են հաստ աղիքի ատոնիայով և հիպոտոնիայով, այդ թվում՝ տարեցների, անկողնային հիվանդների, վիրահատություններից հետո, ծննդաբերությունից հետո և լակտացիայի շրջանում: Դեղամիջոցը նաև ցուցված է դեղորայքի ընդունմամբ պայմանավորված փորկապության և կղանքի կարգավորման համար թութքի, պրոկտիտի, անալ ճաքերի դեպքում (կղանքի կազմության փափկեցման համար): Այն օգտագործվում է լեղապարկի հիվանդությունների, գրգռված աղիքի համախտանիշի դեպքում՝ փորկապության գերակշռությամբ, ինչպես նաև աղիքային դիսբակտերիոզով կամ սննդակարգի խախտումներով պայմանավորված փորկապությունների դեպքում: Գուտալաքս կաթիլներն օգտագործվում են փորկապության, ինչպես նաև աղիքների մաքրման անհրաժեշտության դեպքում: Ինչպես ընդունել Գուտալաքս դեղամիջոցը ցանկալի է ընդունել երեկոյան: Այն կարելի է ընդունել հեղուկի հետ կամ առանց դրա: Աղիքների դատարկումը, որպես կանոն, տեղի է ունենում կաթիլների ընդունումից մոտ 10-12 ժամ հետո: Ինչպես այլ լուծողական միջոցներ, Գուտալաքս կաթիլները չպետք է ընդունել կանոնավոր կերպով ամենօրյա հիմունքներով կամ երկար ժամանակ՝ առանց ամբողջական ախտորոշիչ հետազոտության, մինչև բժիշկը չպարզի փորկապության պատճառը: 4 տարեկանից բարձր երեխաների մոտ դեղամիջոցն օգտագործվում է միայն բժշկի նշանակմամբ: Հակացուցումներ Գուտալաքսը հակացուցված է նատրիումի պիկոսուլֆատի կամ դեղամիջոցի այլ բաղադրիչների նկատմամբ գերզգայունության դեպքում: Այն չի կարելի կիրառել աղիքային անանցանելիության կամ աղիքային խոչընդոտող հիվանդությունների, ինչպես նաև որովայնի խոռոչի օրգանների սուր հիվանդությունների կամ որովայնի ուժեղ ցավի դեպքում, որոնք կարող են ուղեկցվել սրտխառնոցով, փսխումով, մարմնի ջերմաստիճանի բարձրացմամբ, ներառյալ ապենդիցիտը: Հակացուցումներից են նաև աղիքների սուր բորբոքային հիվանդությունները, ծանր ջրազրկումը և ֆրուկտոզայի անտանելիությունը: Դեղամիջոցը հակացուցված է հղիության առաջին եռամսյակում: Գուտալաքս ՊԻԿՈՍՈՒԼՖԱՏԸ չի կարելի նշանակել մինչև 4 տարեկան երեխաներին: