Ֆլուդիտեկ մանկական օշարակ 2% 125մլ №1

Կիրառում Ֆլյուդիտեկ 2% օշարակը ցուցված է սուր և քրոնիկ բրոնխաթոքային հիվանդությունների, ինչպես նաև ԼՕՌ-օրգանների հիվանդությունների դեպքում, որոնք ուղեկցվում են մածուցիկ, դժվարանջատվող խորխի (օրինակ՝ տրախեիտ, բրոնխիտ, տրախեոբրոնխիտ, բրոնխիալ ասթմա, բրոնխաէկտատիկ հիվանդություն) և լորձի (միջին ականջի, քթի և նրա հավելյալ ծոցերի բորբոքային հիվանդություններ՝ ռինիտ, միջին օտիտ, սինուսիտ) առաջացումով: Կիրառվում է նաև բրոնխոսկոպիայի և/կամ բրոնխոգրաֆիայի նախապատրաստման համար: Ինչպես ընդունել Ֆլյուդիտեկ 2% օշարակը (20 մգ/մլ) նախատեսված է մինչև 15 տարեկան երեխաների համար: - 2-ից 5 տարեկան երեխաներին նշանակում են 1 թեյի գդալ (5 մլ, որը համապատասխանում է 100 մգ կարբոցիստեինին) օրը 2 անգամ: Օրական դոզան չպետք է գերազանցի 200 մգ-ը: - 5 տարեկանից բարձր երեխաներին նշանակում են 1 թեյի գդալ (5 մլ, որը համապատասխանում է 100 մգ կարբոցիստեինին) օրը 3 անգամ: Օրական դոզան չպետք է գերազանցի 300 մգ-ը: Դեղը խորհուրդ է տրվում ընդունել ուտելու ընդմիջումներում՝ ուտելուց մեկ ժամ առաջ կամ երկու ժամ հետո: Բուժման տևողությունը սովորաբար չի գերազանցում 8-10 օրը: Հակացուցումներ - Գերզգայունություն կարբոցիստեինի կամ դեղամիջոցի կազմի մեջ մտնող ցանկացած օժանդակ նյութի նկատմամբ: - Ստամոքսի և տասներկումատնյա աղիքի խոցային հիվանդություն սրացման փուլում: - Քրոնիկ գլոմերուլոնեֆրիտ սրացման փուլում: - Ցիստիտ: - Մինչև 2 տարեկան երեխաների տարիք (2% օշարակի համար): - Հղիություն (I եռամսյակ): - Կրծքով կերակրման շրջան: