Ռեքսետին դեղահաբ 20մգ №30

Նկարագրություն: Ռեքսետին-ը թաղանթապատ հաբերի տեսքով է՝ սպիտակ կամ գրեթե սպիտակ գույնի, կլոր, երկուռուցիկ, մի կողմից կիսով չափ բաժանող գծով և մյուս կողմից << Х20 >> փորագրությամբ: Յուրաքանչյուր հաբ պարունակում է 22.76 մգ պարոքսետինի հիդրոքլորիդ հեմիհիդրատ, որը համապատասխանում է 20 մգ պարոքսետինի: Օժանդակ նյութերը ներառում են հիպրոմելոզա, կալցիումի հիդրոֆոսֆատ դիհիդրատ, նատրիումի կարբոքսիմեթիլ-օսլա և մագնեզիումի ստեարատ: Թաղանթապատման կազմը՝ հիպրոմելոզա, մակրոգոլ 400, մակրոգոլ 6000, պոլիսորբատ 80, տիտանի դիօքսիդ: Փաթեթավորում՝ 10 հաբ բլիստերում, 3 բլիստեր ստվարաթղթե տուփում (ընդհանուր 30 հաբ): Ռեքսետին-ը հակադեպրեսանտ է՝ 5-հիդրօքսիտրիպտամինի (սերոտոնինի) հակադարձ զավթման սելեկտիվ ինհիբիտոր: Նրա հակադեպրեսանտային ակտիվությունը և արդյունավետությունը օբսեսիվ-կոմպուլսիվ խանգարման և խուճապային խանգարման բուժման ժամանակ պայմանավորված են գլխուղեղի նեյրոններում սերոտոնինի հակադարձ զավթման հատուկ արգելակումով: Քիմիական կառուցվածքով պարոքսետինը տարբերվում է եռցիկլիկ, քառացիկլիկ և այլ հայտնի հակադեպրեսանտներից: Կիրառում: Դեղը ցուցված է 18 տարեկանից բարձր մեծահասակ հիվանդների մոտ հետևյալ հիվանդությունների բուժման համար. - Միջին և ծանր դեպրեսիվ դրվագներ և ռեցիդիվող դեպրեսիվ խանգարում: - Օբսեսիվ-կոմպուլսիվ խանգարում (ՕԿԽ): - Խուճապային խանգարում՝ ագորաֆոբիայով և առանց դրա: - Սոցիալական ֆոբիա: - Գեներալիզացված տագնապային խանգարում: - Հետտրավմատիկ սթրեսային խանգարում: Ինչպես ընդունել: Ռեքսետին դեղը խորհուրդ է տրվում ընդունել օրը 1 անգամ առավոտյան՝ ուտելու ընթացքում: Հաբը պետք է կուլ տալ ամբողջությամբ՝ չծամելով: Առաջարկվող դոզան կազմում է 20 մգ/օր: Անհրաժեշտության դեպքում դոզան կարող է ավելացվել 10 մգ/օր քայլով՝ մինչև առավելագույն 50 մգ/օր դոզա՝ կախված կլինիկական պատասխանից: