Միրտազապին Կանոն դեղահաբ 30մգ №30

Կիրառում Միրտազապին Կանոնը ցուցված է դեպրեսիվ վիճակների դեպքում, ներառյալ այնպիսի ախտանիշներ, ինչպիսիք են անհեդոնիան (հաճույք և ուրախություն զգալու անկարողություն), հոգեշարժական դանդաղումը, անքնությունը, վաղ արթնացումը, քաշի կորուստը, կյանքի նկատմամբ հետաքրքրության կորուստը, սուիցիդալ մտքերը և տրամադրության լաբիլությունը: Դեղամիջոցն առավել արդյունավետ է տարբեր ծագման տագնապային դեպրեսիաների դեպքում: Ինչպես ընդունել Մեծահասակների համար ներքին ընդունման արդյունավետ դոզան կազմում է 15-45 մգ/օր, հիմնականում օրը 1 անգամ քնելուց առաջ: Դոզան պետք է աստիճանաբար մեծացնել մինչև 30-45 մգ/օր: Հակադեպրեսանտ ազդեցությունն աստիճանաբար զարգանում է, սովորաբար բուժման սկզբից 2-3 շաբաթ անց, սակայն ընդունումը պետք է շարունակել ևս 4-6 ամիս: Եթե 6-8 շաբաթվա ընթացքում թերապևտիկ ազդեցություն չի դիտվում, բուժումը պետք է դադարեցնել: Միրտազապինի դադարեցումն իրականացվում է աստիճանաբար: Հակացուցումներ Միրտազապին Կանոնը հակացուցված է հղիության և կրծքով կերակրման ժամանակ: Զգուշությամբ պետք է կիրառել էպիլեպսիա և ուղեղի օրգանական ախտահարումներ ունեցող հիվանդների մոտ, լյարդի և/կամ երիկամների ֆունկցիայի խանգարումների, սրտանոթային սուր հիվանդությունների, զարկերակային հիպոտենզիայի, շագանակագեղձի բարորակ հիպերպլազիայով պայմանավորված միզարձակման խանգարումների, փակ անկյունային գլաուկոմայի, շաքարային դիաբետի դեպքում: Միրտազապինը նաև զգուշությամբ պետք է նշանակել տարեց հիվանդներին: Միրտազապինի անվտանգությունը և արդյունավետությունը մանկաբուժական պոպուլյացիայում հաստատված չեն: