Աքվադետրիմ կաթիլ 15մլ №1

Կիրառում: Ակվադետրիմ դեղամիջոցը նշված է վիտամին D-ի դեֆիցիտի, ռախիտի և ռախիտանման հիվանդությունների, հիպոկալցիեմիկ տետանիայի, օստեոմալյացիայի և նյութափոխանակային ոսկրային հիվանդությունների (ինչպիսիք են հիպոպարաթիրեոզը և կեղծ հիպոպարաթիրեոզը) կանխարգելման և բուժման համար: Այն նաև կիրառվում է օստեոպորոզի, ներառյալ հետմենոպաուզային, համալիր բուժման մեջ: Ինչպես ընդունել: Ակվադետրիմն ընդունում են բերանով՝ կաթիլները հեղուկի գդալի մեջ ավելացնելով: Մեկ կաթիլը պարունակում է մոտ 500 ՄՄ վիտամին D3: Դոզան որոշվում է բժշկի կողմից անհատապես: Կանխարգելիչ դոզաների օրինակներ. - Ժամկետին ծնված նորածիններ՝ կյանքի 4-րդ շաբաթից մինչև 2-3 տարեկան. օրական 500 ՄՄ (1 կաթիլ): - Անհաս երեխաներ, կյանքի 4-րդ շաբաթից, երկվորյակներ, վատ կենսապայմաններում գտնվող նորածիններ. օրական 1000-1500 ՄՄ (2-3 կաթիլ): Ամռանը դոզան կարելի է սահմանափակել մինչև 500 ՄՄ (1 կաթիլ) օրական: - Առողջ չափահաս անձինք՝ առանց ներծծման խանգարումների. օրական 3000-5000 ՄՄ (6-10 կաթիլ): - Մալաբսորբցիայի համախտանիշով չափահաս հիվանդներ. օրական 500 ՄՄ (1 կաթիլ): - Հղի կանայք. օրական 500 ՄՄ (1 կաթիլ) վիտամին D3 հղիության ողջ ընթացքում, կամ օրական 1000 ՄՄ (2 կաթիլ)՝ սկսած հղիության 28-րդ շաբաթից: - Հետմենոպաուզային շրջանում. օրական 500-1000 ՄՄ: Հակացուցումներ: - Բարձր զգայունություն դեղամիջոցի բաղադրիչների նկատմամբ (հատկապես բենզիլային սպիրտի): - Հիպերվիտամինոզ D: - Հիպերկալցեմիա (արյան մեջ կալցիումի բարձր կոնցենտրացիա): - Հիպերկալցիուրիա (մեզի հետ կալցիումի բարձր արտազատում): - Միզաքարային հիվանդություն (երիկամներում կալցիումի օքսալատային քարերի առաջացում): - Սարկոիդոզ: - Լյարդի և երիկամների սուր և քրոնիկ հիվանդություններ: - Երիկամային անբավարարություն: - Թոքերի տուբերկուլյոզի ակտիվ ձև: - Նորածնության շրջան՝ մինչև 4 շաբաթական: - Ժառանգական ֆրուկտոզայի անտանելիություն, գլյուկոզ-գալակտոզ մալաբսորբցիա, սուկրազ-իզոմալտազ ֆերմենտի դեֆիցիտ ունեցող հիվանդներին: Պահպանման պայմաններ: Դեղամիջոցը պետք է պահել օրիգինալ փաթեթավորմամբ, երեխաների համար անհասանելի վայրում՝ ոչ բարձր քան 25 աստիճան C ջերմաստիճանում: Չպահել սառնարանում, չսառեցնել: Պահպանման ժամկետը՝ 3 տարի: