Կվամատել դեղահաբ 20մգ №28

Կիրառում: Կվամատել դեղամիջոցը կիրառվում է 18 տարեկանից բարձր մեծահասակների մոտ հետևյալ հիվանդությունների բուժման համար՝ տասներկումատնյա աղիքի և ստամոքսի խոցային հիվանդություն՝ սրացման փուլում առանց չարորակացման, ռեցիդիվների կանխարգելում; գաստրոէզոֆագեալ ռեֆլյուքս հիվանդություն; գերսեկրեցիայով ուղեկցվող այլ վիճակներ (օրինակ՝ Զոլինգեր-Էլիսոնի համախտանիշ); ընդհանուր անզգայացման ժամանակ ստամոքսի հյութի ասպիրացիայի կանխարգելում (Մենդելսոնի համախտանիշ): Ինչպես ընդունել: - Ստամոքսի և տասներկումատնյա աղիքի խոցային հիվանդության սրացման փուլում Կվամատելը նշանակվում է 40 մգ օրական 1 անգամ քնելուց առաջ կամ 20 մգ օրական 2 անգամ՝ առավոտյան և երեկոյան: Բուժման կուրսի տևողությունը միջինում կազմում է 4-8 շաբաթ: Անհրաժեշտության դեպքում օրական դեղաչափը կարող է ավելացվել մինչև 80-160 մգ: - Ստամոքսի և տասներկումատնյա աղիքի խոցային հիվանդության սրացումների կանխարգելման նպատակով Կվամատելը նշանակվում է 20 մգ օրական 1 անգամ քնելուց առաջ: - Գաստրոէզոֆագեալ ռեֆլյուքս հիվանդության դեպքում դեղը ընդունում են օրական 20 մգ 2 անգամ (առավոտյան և երեկոյան) 6-12 շաբաթվա ընթացքում: Եթե գաստրոէզոֆագեալ ռեֆլյուքս հիվանդությունն ուղեկցվում է էզոֆագիտով, Կվամատել դեղամիջոցի առաջարկվող դեղաչափը կազմում է 20-40 մգ/օր 12 շաբաթվա ընթացքում: Հակացուցումներ: Լյարդի անբավարարության կամ անամնեզում պորտոհամակարգային էնցեֆալոպաթիայով լյարդի ցիռոզի առկայության դեպքում Կվամատել դեղամիջոցը պետք է կիրառել զգուշությամբ և ավելի ցածր դեղաչափերով: Քանի որ ֆամոտիդինն արտազատվում է հիմնականում երիկամներով, երիկամային անբավարարության դեպքում դեղը պետք է կիրառել զգուշությամբ: Երբ կրեատինինի քլիրենսը իջնում է 10 մլ/րոպեից ցածր, խորհուրդ է տրվում նվազեցնել դեղի օրական դեղաչափը: Կվամատել-ը խորհուրդ չի տրվում կիրառել հղիության ընթացքում: Կվամատել-ի կիրառման ժամանակ կրծքով կերակրումը պետք է դադարեցնել: Պահպանման պայմաններ: Պահել արևից պաշտպանված տեղում՝ առավելագույն թույլատրելի 25 աստիճան C ջերմաստիճանում: