Ինդոմետացին մոմիկ 100մգ №6

Կիրառում: Ինդոմետացին 100 մգ ռեկտալ մոմիկները կիրառվում են հենաշարժական ապարատի բորբոքային և դեգեներատիվ հիվանդությունների դեպքում, ինչպիսիք են ռևմատիկ արթրիտը, ռևմատոիդ արթրիտը, ռևմատիզմը, պսորիատիկ արթրիտը, հոդատապային արթրիտը, անչափահասների արթրիտը, անկիլոզացնող սպոնդիլիտը, օստեոարթրոզը, օստեոխոնդրոզը և այլն: Դեղամիջոցը նվազեցնում է հոդերի ցավը հանգիստ վիճակում և շարժման ժամանակ, նվազեցնում է առավոտյան կարկամությունը և հոդերի այտուցը՝ նպաստելով շարժումների ծավալի ավելացմանը: Այն արդյունավետ է նաև վիրահատություններից և վնասվածքներից հետո առաջացող բորբոքային գործընթացների դեպքում՝ արագորեն թեթևացնելով ինչպես սպոնտան, այնպես էլ շարժման ժամանակ առաջացող ցավը և նվազեցնելով բորբոքային այտուցը վերքի տեղում: Ինչպես ընդունել: Մոմիկները ներմուծում են ռեկտալ (ուղիղ աղիք): Մոմիկը կիրառելուց առաջ խորհուրդ է տրվում աղիքները մաքրել: Մեծահասակներին նշանակվում է օրական 100 մգ մեկ անգամ կամ 50 մգ օրական 1-3 անգամ: Հոդատապի նոպայի ժամանակ դեղաչափը կարող է ավելացվել մինչև օրական 200 մգ: Առավելագույն օրական դոզան կազմում է 200 մգ: Հակացուցումներ: - Գերզգայունություն ինդոմետացինի կամ այլ ոչ ստերոիդային հակաբորբոքային միջոցների (ՈՍՀՄ) նկատմամբ, ներառյալ անամնեզում բրոնխիալ ասթմայի, եղնջացանի և ռինիտի առկայությունը, որոնք առաջացել են ացետիլսալիցիլաթթվի ընդունումից: - Անհայտ էթիոլոգիայի արյունաստեղծման խանգարում: - Սրտի բնածին արատներ: - Ստամոքսի և տասներկումատնյա աղիքի խոց, ստամոքս-աղիքային տրակտի բորբոքային-էրոզիվ հիվանդություններ սրացման փուլում, պրոկտիտ, հեմորոյ, արյունահոսություններ, ներառյալ ռեկտալ արյունահոսությունները: - Հղիություն և լակտացիայի շրջան: - Մանկական տարիք (մինչև 14 կամ 15 տարի): - Արյան մակարդելիության խանգարումներ (այդ թվում՝ հեմոֆիլիա, արյունահոսության ժամանակի երկարացում, արյունահոսության հակում): - Հաստատված հիպերկալեմիա: